[真人真事]那些年錯過的愛情: 中四０３

我：「下....」 

思蓓：「嗯，我聽朝就會飛。四點左右媽媽就會車我去機場...而且我應該唔會返黎」 

　　我聽到後眼淚開始奔出，然後走左攬住思蓓 

我：「點解呀！！點解你依加先同我講！！」我在橋上邊哭邊叫著 

思蓓：「因為...太早知道一定會令你唔開心...我想你開開心心...」 





我：「你講咩呀！！我有你就好開心架啦！」我攬著她說 

思蓓：「羅子傑，唔準喊！」佢捉著我膊頭望著我說 

我：「你自己都喊緊啦...你早D講...我就可以陪你多D...」 

思蓓：「哈...其實我陪你練波...見返你入波之後好開心果個樣就好開心...對我黎講...你咁就陪到我架啦」佢笑著說 

我：「你好傻...點解要自己決定...唔同我講...」 





　　思蓓聽到後便再次擁著我，這次到她在我的衣服上流淚 

思蓓：「羅子傑，我地無可能架啦...但係我真係好想做你女朋友，陪住你贏學界，陪你放學，陪你係天橋上面傾計。但好可惜我無呢個機會」 

我：「唔係，仲有機會...」 

思蓓：「嗯...？」 

　　我把電話拿出來看一看，然後捉著她的手說著 





我：「思蓓，依加係十點，距離你去機場仲有六個鍾」 

思蓓：「...我唔明你講咩」佢看著我說 

我：「姐係話，我羅子傑仲可以做你六個鍾既男朋友」我捉著她的手說著 

思蓓：「你....咁講姐係？」佢邊哭邊笑說 

我：「做我六個鍾既女朋友，得唔得？」

　　思蓓抹過眼淚後便連忙笑著點頭 

思蓓：「好呀...就做你六個鐘女朋友啦...」佢笑著說 

　　我聽到便伸出手拖著她，思蓓也沒有反抗捉著我的手 





思蓓：「喂~做咩無啦啦拖住我~」佢以溫柔的聲線說著 

我：「哇...你叫到咁...扯左TIM...」我笑著說 

　　講完之後當然比佢啤住，我傻笑左一陣之後佢就問我 

思蓓：「你搞到我喊左咁耐...返去點同媽咪交待呀...」 

我：「睇下...你隻眼真係好紅喎」我看著她的面說 

思蓓：「咁不如...出去行多陣？」 

我：「咁不如...出去食糖水？」我笑著說 





思蓓：「唔洗不如啦，行啦」佢笑著回應我 

我：「好，你返屋企拎錢先啦。我拎你架GTR出路口等你」 

思蓓：「唔洗啦....」 

我：「下點解？」 

思蓓：「我地行出去啦今晚，踩單車好難傾計」 

我：「咁好啦...」 

　　思蓓返左屋企拎野之後，我地兩個就慢慢行出去搵地方食糖水。大家沿途都有傾有笑，佢途中仲拎左我部電話搵歌聽 

思蓓：「你部電話咁少歌架...」佢邊電話邊說 





我：「食完返黎先聽啦，依加條街咁多人」 

思蓓：「又得姐，咁返黎先聽歌啦」佢拖回我的手說

　　去到糖水鋪之後，睇左一陣餐牌我仍拿不著主意。於是我就問思蓓有咩好野食 

我：「喂女朋友，我渣唔到主意食咩」我看著餐牌說 

思蓓：「喂，你岩岩叫我咩話？」佢笑著說 

我：「呀？女朋友囉」我仍低著頭說 

思蓓：「望住我講，羅子傑」佢篤一篤我的面 





我：「女...朋友，我渣唔到主意食咩」我笑著說 

思蓓：「嘻，咁你睇下後面果Ｄ啦，唔係得一板比你睇架ma」 

「屌，後面仲有幾頁」 

　　我睇左一陣仍然唔知食咩，但服務員已經走過黎落單 

服務員：「想食咩呢？」 

思蓓：「要個雪糕明珠啦...雪糕要朱古力」 

我：「兩個丫唔該」 

思蓓：「唔得，你要曲奇啦！唔該轉返！一個曲奇，一個朱古力」　佢向服務員說 

　　服務員走左之後，我就向佢彈左一句 

我：「做咩姐你....仲係唔比人叫同一樣既野...」 

思蓓：「下..你仲記得我地第一次黎呢到食糖水既事？」 

我：「我個腦記憶異於常人架」我捉著她的手說 

思蓓：「得啦，最叻係你」佢向我微笑著 

　　食過糖水後，我倆便拖著手四圍走著。當我們打算行返屋企果陣差不多凌晨兩點，但我們仍有說不完的話題。行到一半，思蓓就唱起歌黎。我就這樣聽她唱歌，拖著她的手走到返到佢屋企。一看時間，已經是凌晨三點。