[真人真事]那些年錯過的愛情: 中三６６

「啊傑，一陣三點出唔出黎打波？」 

「有邊個呀俊哥」 

「啊單同你囉，咁耐無見。你唔係唔出呀？」 

「我打呀..咁一陣三點係粗口啊伯果個場到等」 

　　早上去完籃球場練波，下午就收到啊俊既訊息。原來放假果陣啊俊同啊單一樣返左鄉下探親戚，難怪佢地兩個咁耐無搵過我。啊俊返到黎之後既第二日，就約左我同啊單出黎打波。有兄弟搵我當然立即答應。去到球場之後，我就見到啊伯同豬仔係到射緊波，豬仔見到我一身籃球裝扮就跑黎我到攬住我 





豬仔：「大佬！！你終於返黎籃球場啦！！」佢攬著我說 

我：「屌你...好撚多汗呀...」 

豬仔：「SOR！我太掛住你啦，快Ｄ出黎打波啦」佢拉著我的手 

我：「你出去射住先，一陣我就出黎」 

　　綁緊鞋帶後我就出左去同佢地射波，粗口啊伯見到我就打左我個頭一下 





粗口啊伯：「屌你呀！咁耐都唔撚黎！」 

我：「痛呀頂你...我去左第二個場到打姐」 

粗口啊伯：「你個仆街仔！唔好再走去第二個場啦！ 

我：「得啦，我以後會黎多Ｄ搵你架啦」我笑著說

　　射左一陣波之後，啊單同啊俊就係場外慢慢行入黎。佢地兩個見到我第一句就講粗口 





啊單：「仆街仔...依加咁撚瘦既」 

啊俊：「我屌，你高左好多喎啊傑」 

我：「咁耐無見先覺得我唔同左姐，啊單你都高左好多」 

啊單：「大陸好食好住呀屌你，不過我好撚耐無打波啦」 

啊俊：「我都係呀屌，出去射下波先啦」 

　　出左去打左一陣之後我地就坐低傾計，啊俊的確係廢左好多。而啊單控球技巧仍然好純熟，完全唔似一個耐無打波既人，這是打籃球的天份吧？我地坐低傾左一陣計，豬仔就行過黎同我地講 

豬仔：「大佬，我有兩個同校黎左。不如同你地三打三」 

啊單：「好喎啊傑，出去啦」佢企起身拉著我 





　　入左場之後就見到兩個頭髮頗長既男仔企左係到。呢兩個人身型都係比較瘦，外貌似MK仔。但係對我地三個既態度幾好。樣貌比較好果個叫啊銘，瘦得黎黑黑實實。第二個男既樣貌就似台灣男星汪東城，不過一講野就好低Ｂ，經常比豬仔取笑。打左一陣之後，我地三個就輕鬆贏左豬仔佢地。豬仔佢地輸左之後就執野走，那個啊銘走前就過黎問我同啊單 

啊銘：「兩個大佬，你地叫咩名？」 

啊單：「叫我啊單得啦，佢叫啊傑」 

啊銘：「我叫啊銘，下次再打過啦」佢說完笑著跟我們說再見 

　　啊銘向我地道別後就同豬仔離去，啊俊見到我地兩個比人問就係到自言自語 

啊俊：「唉...點解只問你地兩個...唔問埋我」 

啊單：「因為你廢囉，傻西」佢笑著說 





　　我地三個打左一場就無咩氣，於是索性坐係到傾下計。離開球場果陣，啊單就走黎同我講 

啊單：「今年我想入返籃球隊」 

我：「哦...你肯打返校隊啦咩？」我笑著說 

啊單：「我復出係想同你合作打天下，我會搶埋啊洪正選果個位置」佢淫笑著說 

我：「哈，係咩。返黎咪好囉」我笑著回應他 

　　很快...便到了暑假最後一天...