[真人真事]那些年錯過的愛情: 中三６５

我思考左一陣之後，就望著河邊說 

我：「有...不過都過左去啦...」 

思蓓：「好似有故仔想講喎...我聽唔聽得？」 

我：「講，不過唔會同你呢Ｄ平陰妹講」我笑著說 

思蓓：「唔靚咩...咁我轉髮型囉...」 





我：「哈講下笑姐...你依加夠晒靚啦！」 

思蓓：「講大話啦你」 

　　坐多一陣之後我地三個就開始行返屋企，行到河既盡頭準備離開果陣，我就同思蓓講 

我：「你知唔知呢條河有一個傳說？」 

思蓓：「下？有咩傳說？」 





我：「你閉上眼睛先，跟住要拍住手數三秒。果陣你就可以許願。不過要慢慢數架，數完就可以擘大眼。咁河神就會保佑你願望成真」我笑著說 

思蓓：「係咪架...」 

我：「小學有個MISS講架...信我啦，包你有好運」 

　　思蓓聽到我咁講就閉上眼睛拍下手掌數三秒，數到三之後，思蓓就講 

思蓓：「喂...係咪開得眼架啦？」 





我：「可以擘大眼啦！」 

　　當思蓓張開眼睛後，我就係旁邊向她的臉上吻了一下。

思蓓：「...你....」 

　　思蓓被我吻了一下後，臉立即紅了。大家你眼望我眼，好像在等大家先開口講野。對望左十幾秒之後，豆丁就打破困局 

「哥哥做咩鍚表姐？」 

思蓓：「呀...唔記得左你係到」思蓓笑著說 

我：「係喎...哈哈」 

思蓓：「羅子傑，你係咪知我許左個咩野願？」佢笑著對我說 





我：「下...唔知呀」 

思蓓：「...係咩，咁...行啦，再唔走返到屋企會好夜」 

我：「嗯..」我低著頭說 

　　去到思蓓屋企之後，送左佢地兩個入屋我就準備離開。當我想走果陣，思蓓表妹就拉住我 

我：「我走啦，下次見啦」我摸一摸她的頭 

思蓓：「我表妹會留係我屋企住一排...佢可以陪你練波架」佢笑著說 

我：「幾好呀...多個人陪我」我笑著回應思蓓 





思蓓：「嗯...其實你有冇野想同我講？」 

　　我聽到後看一看思蓓，然後慢慢從口中吞出這幾個字 

我：「無呀...我有D咩想同你講？」我苦笑地說 

思蓓：「哈...無野啦..咁聽朝籃球場等啦！」佢笑著說 

我：「嗯，聽日見」 

思蓓：「羅子傑，唔準遲到呀」佢向我揮手 

我：「得啦，你擔心你自己啦」 

　　面對著思蓓，我竟然沒膽量說出自己心中的想法。但是，說出來又如何？思蓓會去英國讀書，總會一日會離開我。有些事，不開始應該會比較好吧...