[真人真事]那些年錯過的愛情: 中三６４
有一日朝早去左思蓓屋企附近個籃球場開始練波。當我係球場換衫個陣，佢就係旁邊望住我
我： 「有咩好望？」
思蓓：「啊傑，你瘦左好多 」
我： 「係，瘦左二十磅左右」
思蓓： 「...你唔係有厭食症掛？」
我： 「我最近食少左姐...而且應該同前一排大壓力影響到掛，我都唔知」
思蓓： 「唔...你成功減肥啦今個暑假，開左學唔好掛住識女仔唔理我」佢笑著說
我： 「哈...你又諗埋D無聊野，出黎陪我練啦」我伸手拉起她
經過呢幾日既訓練，我逐漸搵返昔日投籃既感覺。雖然冇好似第一二日咁射到唔中框，但已經係一個好既開始，至少我真的沒再沉迷於電腦上。思蓓無疑是在這件事上默默推動我的人。
練到下午我地就各自返屋企食飯，食完飯我地兩個又出左去籃球場練習。練習左手上籃期間，思蓓就坐係籃框下同我傾計。
思蓓： 「差幾多球呀？羅子傑你上籃好唔掂」
我： 「依加先52..射得入咪得囉，以前又冇咩點練個左手...」我邊喘氣邊說
思蓓： 「左右手有咩分別？」
我： 「講你都唔明啦大小姐...係啦，點解你返左大陸咁耐先返黎？」我邊上籃邊問
思蓓： 「...依加我唔想講。但係我遲D一定會同你講清楚...」佢細聲地說出
「怎麼思蓓好像有口難言似的？」
我： 「嗯...你鍾意講先講啦」
接近八月尾左右，呢一日早上我都去左籃球場，思蓓仍舊陪我練習。不過今日多左一個人陪我練波，就是思蓓那個表妹，大半年左右無見，呢個豆丁高左又靚左
「哥哥打籃球？」佢指著我說
我：「係呀豆丁，你幫哥哥做一樣野得唔得？」我站在三分線上說
「好呀好呀！」豆丁笑著說
思蓓的表妹答應我後，我就站在三分線把球射出。射完波之後，我就叫佢執波
我：「豆丁，幫我執返個波呀」我笑著說
「好呀好呀」
於是佢開始跑個去拎波，然後跑過黎比返個波我。我接過籃球後就再次射出，射完再叫佢幫我執。直至重覆左呢個動作十幾次，坐埋一邊既思蓓終於出聲
思蓓：「好啦喎羅子傑！你要我表妹執波！？」
我：「玩下姐，見佢咁悶」
思蓓：「表妹，過黎同姐姐玩。唔好理佢」佢向豆丁招手
我：「挑，我自己練囉」我假裝生氣地說
練到下午我返屋企沖洗一下就去返思蓓屋企。當我去到佢屋企，思蓓就向我提議
思蓓：「不如我地三個出街食野？」
我：「喔...但我要返屋企換件衫」
思蓓：「唔洗換啦，白色底衫幾型」佢笑著拉著我走
我：「...返學底衫黎架喎...喂...唔好啦」
思蓓：「行啦！你咁樣著咪無女仔睇你囉！快Ｄ出門口」
我：「唉得啦得啦...我自己行」我笑著說
我們一行三人去到一個商場之後就周圍睇下食Ｄ咩。自從放暑假之後，我都有差不多有一個沒有踏足這個在學校附近的商場。一入到門口，就見到幾個同校的師兄師姐，於是我就一直站在思蓓後面。
思蓓：「做咩閃閃縮縮？」佢向後瞪著我說
我：「大小姐...我依加呢身裝扮成個苦力咁...點見人呀」
思蓓：「好正常呀...上身底衫下身籃球褲」佢向我打量著
我：「....係咩」
我想，只有思蓓這女孩不介意我這身隨意的打扮吧。去到一間餐廳食左小小野之後，我地行下行下就去左我小學附近一條河邊走著
「好累呀，哥哥」
我：「得得得，等哥哥抱你」我走去抱起佢
思蓓：「...羅子傑你都幾溫柔」佢在前面笑著說
我：「...下...係咩」我抱著她表妹說著
思蓓：「啊傑...你答應我，你唔可以再頹廢落去」佢在前面邊行邊說
我：「有你係到睇住我....就得啦」
思蓓：「我之前真係好擔心你會有事...見到你依加打返籃球...我就好放心啦...」
我：「我答應你，一定唔會再頹廢落去。但你都要答應我一樣野」
思蓓：「嗯？你講啦」佢向後望著我
我：「今年學界比賽...你一定要黎睇我比賽...睇我地辛苦特訓既成果」我伸出拳頭說
思蓓：「嗯....我一定黎」佢伸出拳頭輕輕打一打我的拳頭
我：「豆丁！你都黎睇哥哥比賽架可？」
「睇！但係我唔執波！」
思蓓：「哈哈，表妹真係好得意」佢摸一摸豆丁的頭
我：「你生返個囉」我笑著說
思蓓：「生...不過唔會同姓羅既」佢笑著回應我
我：「....」
四周行左十幾分鐘之後，我地三個就係河邊一張長椅上坐低。豆丁累到訓著左之後，我同思蓓無聊下就傾下大家小學既野
思蓓：「我以前小學好多人鍾意架...你又唔信」
我：「我明，你想引我笑姐...但你都唔洗講大話架...」
思蓓：「頂...你又唔信我...咁你小學有冇比人鍾意過先？」佢笑著問我：「豆丁！你都黎睇哥哥比賽架可？」
「睇！但係我唔執波！」
思蓓：「哈哈，表妹真係好得意」佢摸一摸豆丁的頭
我：「你生返個囉」我笑著說
思蓓：「生...不過唔會同姓羅既」佢笑著回應我
我：「....」
四周行左十幾分鐘之後，我地三個就係河邊一張長椅上坐低。豆丁累到訓著左之後，我同思蓓無聊下就傾下大家小學既野
思蓓：「我以前小學好多人鍾意架...你又唔信」
我：「我明，你想引我笑姐...但你都唔洗講大話架...」
思蓓：「頂...你又唔信我...咁你小學有冇比人鍾意過先？」佢笑著問