[真人真事]那些年錯過的愛情: 中三６３

思蓓：「我唔係同你玩，總之一陣見」 

「做咩撚野呀...」我心中想著 

　　當我打算返入房訓教，啊媽就係房入面行出黎 

我：「咁早起早既你？」 

啊媽：「你一大朝就係客廳拍個籃球...嘈醒左我姐」 





　　原來岩岩接完思蓓比我個籃球之後，放返落地果陣嘈醒左啊媽 

我：「原來係我嘈醒你...」 

啊媽：「我都訓唔著...你老豆有事去到今時今日...我根本未訓個一覺好既」 

我：「...唔好再提啦」說起我又想喊 

啊媽：「你係咪想打籃球？你都好耐無打啦...」 





我：「唔打啦...我要係屋企睇住你」我笑著說 

啊媽：「出去放鬆下啦，我知你好想掂返籃球。身後事都處理得七七八八...你玩埋剩低呢個暑假啦」

我：「咁...我出去一陣得唔得？」 

　　啊媽聽到後點一點頭就返入房訓教。我換過衣服就立即出門口，去到球場就見到思蓓自己係到射緊波。 

我：「叫我黎做咩呀...」我向她問著 





思蓓：「我估到你一定會黎架啦...我知你一定仲鍾意打籃球」佢笑著說 

我：「咁你想點？要我睇你射波？」 

　　當我講完，思蓓便把手中的球傳給我 

思蓓：「你打籃球一定比去網吧打機更加開心...你要企返起身，做返以前果個三分王！」佢捉著我的膊頭說

　　聽到思蓓咁叫我，我立即笑左一笑 

我：「打一陣啦，反正比你叫左黎」我笑著說 

思蓓：「笑返咪好囉...快D打波啦！」佢也笑著回應我






　　我同思蓓打左陣之後就決定玩射鎖匙圈，當思蓓入晒之後，我仍然只去到第三格。我地兩個坐左係地下休息，之後佢就係到不斷取笑我。輸左係個打排球既女仔手上，真的什麼自信都沒有了 

我：「即管笑啦，話左我係垃圾黎架啦」 

思蓓：「你耐無打姐...你唔想變返以前咁咩？」 

我：「算啦...我依加連你都贏唔到」 

思蓓：「只要你肯，我就陪你練波！但你一定要答應我一樣野」 

　　考慮左一陣我就同思蓓講 

我：「你又想點呀...唔好打我一巴或者咬我隻手就得」我笑著說 

思蓓：「傻啦...其實只要你唔再頹廢落去...我就心滿意足...我唔想見到一個咁消極既羅子傑」 





我：「唉...我呢兩日咁對你...你仲咁為我著想...值得咩？」 

思蓓：「只要你走過呢段日子就值得...我唔想見到一個我唔熟悉既羅子傑...」思蓓的眼開始紅了 

　　我企返起身之後就伸出手拉佢起身，我摸一摸佢頭就同佢講 

我：「識到你我好幸福」 

思蓓：「做咩咁講...喂..做咩摸住我個頭？當我狗呀？」佢笑著說 

我：「我講真，識到你我好幸福」我伸出手攬住思蓓 

思蓓：「嗯...咁不如開始啦好無？」思蓓傻笑著說 





　　我答應過思蓓便立即開始訓練。一個月無打籃球之後，今日終於可以打返呢一個月儲返黎既體力。雖然今日由頭開始練返Ｄ基本野，但當我接觸返籃球後，完全無諗過任何負面既野。唔知呢種短暫既快樂係思蓓帶比我，還是籃球真的把快樂還給我。