[真人真事]那些年錯過的愛情: 中三５４

一天放假的早上，我同老豆老母出去左去同姑姐飲茶。雖然老豆有病在身，但美食當前也抵擋不往誘惑。 

姑姐：「喂大佬，你唔係要介口架咩？仲食咁多！」 

老豆：「食少少都得掛，唔想成日食咁清淡」佢笑著說 

啊媽：「你真係食少少好啦，唔好食太多」 

　　飲茶期間，佢地係到邊食邊傾。而我食飽後就坐左係到睇書。畢竟他們的話題我沒有太大興趣。突然，姑姐問了老豆一個問題 





姑姐：「大佬，你病左呢幾個月，邊個最鍚你呀？」佢笑著問 

老豆：「最鍚我當然係我honey啦！你都鍚我..不過係第五位」老豆笑著向姑姐說 

啊媽：「咁邊個係第二三四位呀？」 

老豆：「第二本來係家姐，但我病咁耐佢都無返過屋企照顧我...所以依加第二係傑仔，第三係我啊叔，第四係啊妹」 

　　啊妹？老豆明明得一個啊妹，仲有邊個有咁既稱呼呢？我聽到後便望著老豆，思考這個「啊妹」是誰。最後仍是想不到，於是好奇心驅使下，我在離開酒樓時私下問老豆。 





我：「啊爹，頭先你話鍚你果個啊妹係邊個黎架？」 

老豆：「哦...啊妹咪藍藍囉」 

我：「佢好鍚你咩？排名竟然高過家姐同姑姐」我笑著說

　　老豆聽到後就係袋中拎左佢部手提電話比我，佢叫我開訊息個收件箱睇。一開黎睇，全部都係LULU姨比老豆既訊息 

我：「有咩特別？」我向老豆問 





老豆：「呢Ｄ訊息...全部都係藍藍拎左LULU個電話sd比我。自我出院後就一日一個，有時佢仲會陪我出去行下」佢邊行邊說 

　　我聽到後眼淚立即從眼中流出，原來呢個女仔一直係背後做左咁多野，照顧我老豆。我作為佢親生兒子，真的感到十分慚愧。我抹乾眼淚後就看一看老豆的寄件箱，發覺他只回覆過思蓓兩次。但思蓓仍是每日一個訊息寄給老豆的手機。搭車返屋企途中，我仲一直睇思蓓傳比老豆既訊息。 

「叔叔，你身體好返Ｄ未？我最近考試，無咩時間同你出去行下」 
「叔叔，想唔想食粥？」 

老豆：「睇完未呀？有咩咁出奇？」佢在旁邊問 

我：「睇完啦，比返你啦」我把電話還給老豆 

老豆：「就黎放暑假你有冇約佢出去玩下丫？唔洗留係屋企照顧我喎」 

我：「我前幾日先同佢打完機昨...老豆先係我既第一位」我笑著說 





老豆：「咁識講野呀依家...」佢笑著回應我 

　　今天的我終於知道，真正愛你的女孩，的確會為你付出一切...