[真人真事]那些年錯過的愛情: 中三５３

「喂，幾多分呀你？」 
「屌，岩岩好合格」 

　　考試過後當然就係學校派卷既日子，同學拎左自己既分數後就互相交換睇。老師在黑板前對什麼答案，說什麼理論，已經沒有多少個學生理會他了。慶幸的是，今次比預期中考得比我想像中好。但英文的總分仍差幾分先合格，成為成績表上的污點。 

啊山：「我返埋今個星期就走啦，你地第日記住搵我出黎食飯」佢邊抄邊說 

啊竹：「放心啦，我地一定會搵你」 

我：「做咩仲抄呀？你都退學啦，仲想交比佢？」 





啊山：「做人有始有終ma！我抄到二十萬次啦依家」佢笑著說 

我：「唉...罰個抄姐...估唔到你真係退學」我失望地說 

啊山：「傻仔，可能讀書真係唔岩我呢！出去做野會岩我多Ｄ」佢拍一拍我膊頭 

我：「無左個兄弟，唔習慣姐」 

啊竹：「搵日我地LUNCH食餐好啦！叫埋啊森佢地！」 





啊山：「你地話事啦」佢笑著說 

　　對卷期間我正在看小說，突然間手機在袋中傳來震動。一看之下，是啊飛給我的訊息 

啊飛：「羅子傑，你幾點放學？」 

我：「做咩叫我全名？十二點囉，對緊D ON9卷先放早」 

啊飛：「唔得咩XD...咁一陣食唔食飯呀？我都放早」 





　　等等先，啊飛唔會叫我全名，更加唔會打埋「XD」呢Ｄ濕尻符號 

我：「喂，究竟你係邊撚個？」我打了一個憤怒表情

　　等左一陣，電話便收到啊飛的訊息 

啊飛：「打D字咁粗魯架...我係思蓓」 

我：「原來係你...做咩你兩個會係一齊？」 

啊飛：「拎左佢電話搵你姐，咁一陣食唔食先？」 

我：「哦...咁一陣係邊到等？」 





啊飛：「未諗呀，一陣再搵你」 

　　放學後，我見啊飛仲未聯絡我，就諗住去啊單屋企消磨一下時間。我同啊單行到出學校門口就討論下一陣有咩做 

啊單：「上我屋企打機定睇咸片呀？」佢搭著我膊頭說 

我：「屌，睇咸片啦緊係」

　　當我講完呢句後，身後便有人大叫我的名字。我回頭望左一眼，原來係啊飛同思蓓 

「羅子傑！！」佢地兩個在學校門口的馬路說著 

我：「搞咩撚野...啊單我唔去啦，約左人。走先」我細細聲說 

啊單：「屌..你個仆街仔！！」 





　　我過到去馬路後便立即打佢地一下 

我：「痴線架你地，做咩係我地頭響我朵？」 

啊飛：「咁多人放學，唔叫你個名點搵到你出黎」 

思蓓：「係囉...咁依家食咩呀？」 

我&啊飛：「就你得啦」 

思蓓：「咁...不如食個M記就去網吧打機啦，考完試大家放鬆下」佢笑著說

我：「你話事啦」我笑著回應她 





　　食完野之後我地三個就去左打機，由於正值考試季節，成間網吧差唔多全部都係中學生。我地三個坐低左之後，啊飛就同思蓓講 

啊飛：「喂蓓姐，你前度坐係門口個排喎，見唔見到？」 

　　雖然我眼望著電腦螢幕，手拿著電話SMS。但我其實好留心聽佢地講緊Ｄ咩 

思蓓：「係咩？咁一陣走果陣打過招呼囉」思蓓說完笑了一笑 

啊飛：「喂，你地玩唔玩槍GAME？我可以叫啊JOE佢地一齊玩，夠人對打」佢笑著說 

思蓓：「無所謂呀，啊傑你玩唔玩架？」 

我：「玩，一陣睇我表演啦」 

　　啊飛過左去同啊JOE講之後就返黎開場。佢仲細細聲同我講 





啊飛：「比個機會你係蓓姐面前表演，打殘個幾條仆街」佢在我耳邊說 

我：「佢地開外掛都贏唔撚到我地，我要佢地喊住行返出去」我笑著說 

　　玩左三個鐘後，我們便收拾東西離去。經過門口那排位置，啊飛同果幾個著校服既人講左句 

啊飛：「認住我大佬呀！叫傑哥啦」 

我：「贏人咁撚多仲串，走啦」我細細聲說 

思蓓：「我地走先啦，BYE」佢向那幾個著校服說

　　打完機之後我地就返屋企。在巴士上，啊飛不斷講岩岩我地有幾勁。我同思蓓就輪流附和一下佢。啊飛落左車之後，就得返我同思蓓。 

思蓓：「你都就黎落車啦，羅子傑」佢笑著說 

我：「依家先四點幾，我送埋你返去啦」 

思蓓：「咁好呀...咁我應該點報答你呢？」佢笑著說 

我：「傻啦...我見依家仲早先送你姐...」 

思蓓：「車..咁昨..不過話時話，你岩岩打機都幾勁」 

我：「我不嬲勁架啦，特別係射野果D GAME...」我對佢笑了一下 

思蓓：「頂..好核突呀你..仲要加埋呢個表情」佢打一打我膊頭 

我：「咁我唔講囉~」 

思蓓：「羅子傑你成日諗埋Ｄ衰野」 

我：「見到你先會諗架昨，得你有呢個能力」我又笑了一笑 

思蓓：「哼...」佢笑著輕輕力打我膊頭