[真人真事]那些年錯過的愛情: 中三４６

返到屋企食完飯，我就搵左老豆捉棋消磨時間。雖然老豆病左，但佢戰鬥力仍然沒有減退 

「將軍！贏左！」老豆細細聲地說著 

我：「頂，又輸左」我笑著說 
老豆：「喂，得唔得閒？陪我出去行下呢」 

「屌...又要行呀...」我心中埋怨著，但還是答應了 

　　今日老豆好似比之前更加精神，行得比以前更加遠。不過仍然需要拐杖輔助。去到一個公園後，我地就搵左個位坐係到。當老豆見到一個啊叔係公園食煙，就嘆左口氣 





我：「啊爹，你想食煙呀？」我向他問著 
老豆：「唔食啦...之前入咁耐醫院都介左啦...」 
我：「介左咪好囉...」我捉住佢的手說 
老豆：「有左呢個大病好多壞習慣都無左，我都唔知係唔係好事」佢邊笑邊說 

　　坐左一陣我地就繼續行，行到十點左右我地就回程返屋企。路上佢同我講 

老豆：「唉...希望可以快Ｄ返工...」 
我：「點解呀？係屋企休息多Ｄ唔好咩？」 




老豆：「我返多一個月有得升職啦...第日份退休金都多D」佢笑著說 
我：「定喎，你實好返」我搭著他膊頭行 

　　返到屋企之後我就交左老豆比啊媽照顧，而我就打左個電話比思蓓問下佢咩情況，撥了幾秒後便有人接聽 

思蓓：「喂？搵邊個？」 
我：「羅子傑呀，你依家做緊咩呀？」


思蓓：「啊傑？我依加係書枱呀，做咩咁主動打比我？」佢笑著說 




我：「我關心你隻腳昨...你快Ｄ休息啦」 
思蓓：「我寫埋Ｄ野就訓架啦...仲有，聽日我唔返學，我會留係屋企」 
我：「嗯...咁遲Ｄ再傾啦。今日我好累，依加訓教啦」我笑著說 
思蓓：「好啦....早抖啦火影」 
我：「哈，早抖啦」 

　　同思蓓傾完電話之後，我就打電話比北仔，約佢聽日係返學前比返個書包同校服恤衫我。點知佢竟然提出一個離奇既提議，而我又答應了 

北仔：「得啦，咁聽朝五點球場等好冇？」 
我：「做咩...尻...姐？聽日要返學喎」我在家中細聲地說著 
北仔：「練波唔得咩？上堂前早半個鐘返學校沖涼囉」 
我：「....好，但我五點半先到，我要搭車出」我笑著說 
北仔：「殺你，聽朝見」 

「媽呀，今天我一直在玩命」 





　　第二日凌晨，我著左一套打波裝束出球場，手上的環保袋就是校褲同皮鞋同毛巾之類。五點幾天都未光就出到黎打波，我還是第一次。去到球場出面，我就隱約見到一個人，行近Ｄ後就清楚見到北仔係場內入面練防守步 

我：「屌你！！你傻撚左呀！！？」我在球場外大叫著 
北仔：「我要做防守專家！！」佢在場內叫出 

　　我跑入球場之後就放低Ｄ野同北仔打波，我地兩個落到後都係一打一。去到大約六點幾左右，我地就見到天上慢慢露出陽光，天也不再黑了。我地仲坐左係球場望住個天，北仔搭住我膊頭說 

北仔：「浪唔浪漫？第一次打波由天黑打到天光」佢搭著我膊頭笑著說 
我：「同女仔既話...應該會浪漫D」我也搭著他膊頭說 

　　兩個熱愛籃球的中學生，早上六點幾坐係球場流著汗觀賞這一次日出。這是一種男人的浪漫吧？