[真人真事]那些年錯過的愛情: 中三４７

「喂，你休息左幾日啦喎。肯去返學未？」我拿著電話說 

　　電話另一端傳來一段尷尬的笑聲後，她便回答了我 

思蓓：「我未行到路呀，睇黎要下星期先返到學」佢邊笑邊說 

我：「你拎得視后啦，呃左咁多日假期」 

思蓓：「反正我都走啦，返唔返都無所謂」佢笑著說 





我：「我唔同你傾啦，聽日英文默書，我溫書先，拜拜」 

思蓓：「陪我傾計啦，最多咪唔合格」 

我：「...唔合格慘過跳樓...真係唔傾啦，拜」 

　　收左線後我就專心溫書，由於聽日要默差唔多六十個生字，所以我就溫到凌晨等自己記得大約八成先安心訓覺。第二日返到學校，我兩手空空返到隊伍排隊，見到自己班上既人渣住本書臨急抱佛腳個樣，我就暗爽起黎。 

啊竹：「啊傑，第二堂默書喎，溫好英文未呀？」 





我：「輕鬆啦屌，一定合格」我笑著說

上到課室之後，無聊之下望左去後面啊山個位置，一望就發現佢一大早就係到抄緊書 

我：「你抄緊咩？今次又邊個罰你？」我向啊山問 

啊山：「唉，我抄定今次英文默書姐。今次成六十個字點出貓，抄定著數Ｄ」 

啊竹：「洗唔洗呀...仲要一隻手渣三枝筆抄」 





啊山：「竹哥，你再嘈住我，我就練四支比你睇」 

　　兩堂英文堂過左之後就係小息加Ｄ無聊選修堂，由於大部分同學早上溫左好耐書應付英文默書，所以呢幾堂入面差唔多全班都訓晒教。我同啊竹就挨義氣幫啊山抄野。 

我：「喂，０分係咪抄一千次就得？」 

啊山：「一萬次呀！天SIR正仆街黎」佢邊抄邊罵 

我：「屌...我差九千次先幫你抄完呢個字」 

啊竹：「我就唔信佢真係罰...幫你抄住一千次先」 

啊山：「好兄弟！聽日小息我既！」佢搭著我倆的膊頭說

放學前的半個小時，天SIR就渣住疊簿衝左入班房 





天SIR：「我有一個好消息，一個壞消息。你地想聽邊個先？」 

啊榮：「好消息先啦！！」佢在班房大聲叫著 

天SIR：「好！好消息就係今次合格率創新高！全班只有兩個人唔合格，你地想唔想我開名？」 

　　大家聽到後都係到討論係邊兩個人咁唔好彩，當大家估左一陣之後就紛紛叫天SIR宣佈 

天SIR：「好...不過我唔鍾意爆人大獲！你地自己問人啦，班長出黎派返Ｄ簿」佢邊笑邊說 

　　啊山拎到本簿後屌左一聲就繼續抄，我同啊竹拎左佢本野黎睇之後，見到一句 

「罰抄默書範圍 x 600000」 





啊竹：「屌，六十萬次！呢條友顛架！」佢細聲跟我說 

「屌...兄弟你安息啦...」我心中想著 

　　放學鐘聲響左之後，大家就慢慢離開課室。啊山自己話要留係到抄多陣先返屋企，於是我就同啊竹諗住落樓下打陣波等佢。當我地拎書包果陣，天SIR就講 

天SIR：「黃卓山，羅子傑留低！其他人快Ｄ離開課室」 

「屌，我衰左Ｄ咩撚野？」