[真人真事]那些年錯過的愛情: 中三３１

傍晚時分，我再次到思蓓屋企睇戲。我倆依舊一齊訓係床上睇電視，但我當時無心情就諗左去第二Ｄ野。唔知係咪比佢觀察到我心不在焉，佢就突然彈了我的手一下 

思蓓：「喂，做咩諗野？」 
我：「冇呀，我睇緊電視」我假裝著說 
思蓓：「你係咪擔心叔叔聽日既手術？」 

　　想不到思蓓讀穿了我的內心，佢問完後我就係到傻笑無答佢 

思蓓：「冇事既，做完就會出院架啦」 
我：「我緊係知啦...一定會冇事」 




思蓓：「嗯...我諗你仲記得...幾日後既事？」 

　　我當然知道思蓓想問我Ｄ咩，過幾日就係佢既生日，當日就係要比答案佢既日子。但因為最近屋企出現問題，我就心煩意亂。思蓓見我無答佢，佢就好識趣咁傾左去第二個話題。離開佢屋企個陣，佢仲捉住我手上既手鏈保佑聽日我老豆呢個手術會平平安安，好快就一家團聚返屋企去LULU姨屋企燒野食。 

　　第二日上堂，我係十點左右就傳左個訊息比老豆，內容係叫佢加油，做完手術就好返。老豆的手術十一點幾先開始，啊媽同一個親戚就去左醫院等。食完午飯後，我同啊竹係返到學校搵啊格打左陣波後，我就開始著急老豆的消息。於是打去啊媽的電話詢問情況。電話撥通後，我問了一句後就流出眼淚。 

我：「媽，老豆依家點？你同叔叔依家係出面等佢出黎？」 
啊媽：「你老豆出黎了」 
我：「出左黎？！手術唔係做到夜晚咩？」我開始擔心 
啊媽：「醫生話你老豆末期癌症」佢邊哭邊說 





　　「點解會咁架？」 

　　聽到呢個消息後，我只是在籃球場旁不停地流著眼淚。眼淚一滴滴打在地上，我多希望這是一個夢境，我正在做一個惡夢。那一刻，我嘗試打著自己的臉，希望這是個笑話。但終究這不是夢境，是現實。

　　我把電話掛掉後，仍然坐左籃球場旁上的櫈上哭。啊竹同啊格見到我喊就走左埋黎睇下我發生咩事。啊格過黎見到我喊，佢比左包紙巾我就拉左啊竹出返去打波。呢十幾分鐘，我靜靜地坐係到諗呢件事，點解老豆個病會黎得咁突然？點解會變成咁？ 

　　打左上堂鐘後，我便去更衣室整理一下自己的樣貌，強裝一個笑容便上了班房。但眼睛是誠實的，即使強顏歡笑也掩飾不了流淚後的痕跡。雖然啊竹同啊格見到我喊，不過佢地兩個無問我發生咩野事，只係好似平時咁傾下計。上到課室後，我一如以往同同學笑住傾計，跟隊玩下啤牌，仿佛成件事無發生過一樣。上堂果陣，我便看著街外發呆。現在的我，什麼都不想理會。 

　　在我看風景看得出神之際，一個電話的震動令我醒過來。我一看訊息，原來是啊螢 





「你喊完黎？」

　　原來，即使我擁有影帝級演技騙過了所有不知情同學，但只要別人細心發現，一雙紅紅的眼睛便把我頓時出賣了。 

我：「我喊？你傻左？」我拿起電話回覆 
啊螢：「岩岩入課室見到你隻眼好紅囉。仲唔係喊完黎？」 
我：「緊係冇啦。有都唔會同你講」我還打了一個開心符號 
啊螢：「唉...咁對我...」 

　　之後我見啊螢開始九唔搭八，我就再無就回覆佢。放學後，我立即趕到了醫院。當我到達病房後，只見到一大班親戚圍住我老豆。於是我便找了一個位置，企係病房外的玻璃外望住老豆。 

　　老豆見到我到左就不斷笑住望住我。親戚說他開完刀不便講野，而且當時醫生在場向大家宣佈病情。大家便聚焦在醫生上。但只有我仍然望著老豆，老豆也不聽自己病情，只是微笑望向病房外的我。雖然知道老豆有末期癌症，但我仍掛上一個笑容。因為我不想別人擔心我，包括床上的啊爹。 

　　我不知道啊爹為什麼連自己病情都不理，只顧看著玻璃外的我。但是，宥時候關心家人，親戚不需要一句虛假的問候，只要一個真誠的眼神交流也可表現出親情的可貴。