[真人真事]那些年錯過的愛情: 中三２８

一日放假既朝早，我同啊飛就出左去練波。下午返屋企果陣打比啊媽果陣，我就聽到一個壞消息 

啊媽：「打完波啦？係啦..你老豆入左醫院」 
我：「下？入左醫院？發生咩事？」我係電話另一邊講 
啊媽：「佢呢幾日食咩嘔咩...個肚又唔知做咩好漲。唉，岩岩有個朋友車左佢去醫院。你返黎先啦」 
我：「咁大件事...好，我返黎先」 

　　返到屋企我就聽啊媽講老豆既野。原來佢話老豆呢幾個月個胃都有痛，但唔肯去醫生。直至近排食左Ｄ咩落肚就會嘔，佢先決定去醫院。依家老豆入住左醫院觀察，我就決定聽日去探佢。思蓓係LULU姨口中收到消息後就打黎我屋企問候一下。最後我地約左聽日放學後五點係M記等，一齊探我老豆。 

　　第二日放學五點，我就準時到左M記搵思蓓，點知今次又係佢準時過我。我同佢交代清楚老豆既清況後就行去醫院。去到某個燈位後，我地就見到啊嘉企左係對面馬路。 





思蓓：「對面個個...係咪上次肥仔擋住果個女仔？」 
我：「係呀...」我見到啊嘉係對面就低住頭 

　　當綠燈閃起，我同思蓓就一齊過馬路，我望到啊嘉沿途都望住我地。差唔多大家經過身邊果陣，思蓓就突然捉住我隻手行。我望向思蓓果陣同時見到啊嘉果個驚訝表情。過左馬路後我就問佢做咩無啦啦拖住我 

思蓓：「因為...無得解架，我想拖咪拖」佢邊笑邊答 
我：「你擺明就想激人啦」我笑左一笑 
思蓓：「我唔似Ｄ咁無聊既人！！行啦！！」佢放開我隻手行

　　到達醫院後，找了一會便到了病房。我同思蓓見到啊媽係到就行左埋去。當我地行到埋去果陣，就見到老豆個肚漲到好似一個大肚婆咁。面青口唇白之外個樣仲好辛苦。 

老豆：「傑仔！啊妹！你地黎左啦？」佢仍然中氣十足 
思蓓：「叔叔...你依家點..」 
老豆：「冇事丫，食唔到野姐。柯唔到屎先仆街」佢笑住講 

　　我行埋病床邊捉住佢隻手，我只感覺到冰冷 

我：「...做咩有事唔睇醫生？醫生講左Ｄ咩」 
老豆：「屌...我一直都有食藥架啦。唔知做咩咁耐唔好返」 





　　啊媽聽聽下就眼紅紅咁出左去，思蓓見到都追埋出去。可能佢地兩個害怕吧，害怕啊爹個肚變到咁大。於是病房下就得返我同啊爹係到。 

啊爹：「係啦，你家姐呢？實習緊？」 
我：「係呀...好夜先返屋企」 
啊爹：「唔怪得啦...實習重要Ｄ」 

　　過左一陣左右啊媽就帶住Ｄ親戚黎左，我同思蓓就坐左係病房係出面等。坐坐下思蓓就細細聲喊 

我：「做咩呀...你驚呀？」 
思蓓：「我好驚叔叔有事呀..」 

　　見到佢咁搶心我啊爹，我就感到好感動。但估唔到要我安慰佢 

我：「無事架，放心！」我搭向佢膊頭 





　　去到夜晚探病時間完結，我地就走左。返到屋企之後啊媽就悶悶不樂，我就自己對住象棋玩兩邊。唔知點解，我感覺到好快會有事發生。

　　過左兩日，上午返學時間仍然係比啊螢煩住。不過呢日天SIR係下午終於宣佈左一個好消息，就係再次調位。因為頭十名有得自己簡左位後太嘈，下學期既堂就不斷收到老師投訴。於是天SIR就決定再次調位，滿足下其他老師要求。 

天SIR：「ER...由於收到老師投訴，我就求其汁下D位啦...分開五至六個人坐啦。方便大家聽書」 

　　當天SIR調走左我去坐第二到果陣，我就正式同啊螢說再見。我忍左佢咁耐就係等呢一日，今日終於守得雲開見月明。換左位坐後更加正，左邊就係啊竹，後面係啊山。而且又係望到街外風景，呢個位置就好似當初開學果陣時一樣。呢個寧靜既地方，終於令我再次投向課外書既懷抱。雖然呢個位置有Ｄ悶，但總好比聽住啊螢煩尻住我同啊森。 

　　放學後係學校打左一陣波，我就去左醫院探老豆。無探佢一日，佢個肚又好明顯地大左。今次佢個樣比前兩天更加不濟。不過聽到啊媽話過幾日會轉第二間設備較好醫院既治療，我也安心了小許。 

我：「有得轉醫院就好啦，頂多幾日」我向老豆說 
老豆：「屌你當我流架咩，我識咁多大人物緊係安排我快Ｄ轉院」佢笑住講出 
啊媽：「唔好講埋Ｄ廢話啦，成日掛住吹水」 





　　差唔多到探病時間完結時，老豆就問家姐係邊到 

老豆：「家姐呢？做咩幾日都唔黎睇下我？」 
啊媽：「實習忙姐...」 
老豆：「岩既...實習重要」 

　　探病時間完結後我就同啊媽兩人返屋企。返到屋企後食飯果陣收到啊螢既訊息，啊螢無啦啦係夜晚搵我一定有Ｄ陰謀 

啊螢：「喂」 
我：「搵我做咩？」 
啊螢：「勁啦你...」 
我：「做咩先？」見到佢打小小字後又唔講令我不耐煩 
啊螢：「勁啦...聽講中五果個啊希同啊嘉為左你...」 

「屌，我一早估撚到你啦」 





我：「唔同你講，打機」 
啊螢：「唉唔玩囉。其實我想問點解今日會係醫院見到你？」