[真人真事]那些年錯過的愛情: 中三２７
啊嘉：「啊傑，可唔可以唔好係FB再讚啊希既野。我唔鍾意」
見到啊嘉呢個訊息之後，我覺得自己對佢既容忍度已經到左極限。加上平時佢不斷踩低啊希，我呢一刻已經忍唔住啊嘉係到抵毀啊希同干涉我既交友圈子。我望上走廊樓層既啊嘉，然後係SMS向佢發出一個訊息
我：「你咪撚ON9啦，我同邊個傾關你咩事」
啊嘉唔知係咪收到我訊息，佢就係走廊上消失左。不過佢仍然有回應我
啊嘉：「為左佢....你竟然罵我？哈哈...」
我：「因為你真係好煩」
啊嘉：「一定係啊希係你面前講過我壞話」
我：「我唔想再同你討論呢個話題」
傳左呢個訊息出去後，我就出左去同啊俊佢地射波。直到走果陣先睇返部電話，內容全都是道歉同叫我得閒搵返佢既訊息。次次道歉完，下次佢都會講返啊希。於是我就決定暫時唔理佢住。過左幾日之後，中五既啊希就約左我同啊金食LUNCH。如果佢升讀唔到中六，呢一餐應該就係同佢著住校服食既最後午餐。我地三個簡左一個西餐廳後就入左去坐，當我坐低拎部電話出黎睇又有啊嘉既訊息。
啊嘉：「又係啊希...你應佢都唔應我...哈」
我睇完後無理到佢。過左一陣之後，啊嘉又傳黎第二個訊息
「睇黎介手會開心Ｄ」
「屌，唔通佢想傷害自己身體？」
見到啊嘉打埋呢Ｄ野我就開始感到煩惱。啊希見到我個臉有難色後就問我發生咩事。最後我都係驚啊嘉出事，將呢幾個月既事話晒比啊希知。當然啊金在旁扮咩都聽唔到。我簡略咁講完呢件事後，啊希就不斷係到笑。但當我話啊嘉提及啊希多情之後。佢就面色大變
啊希：「佢真係好仆街...」佢拎住個叉大力吉個碟
啊金：「冷靜Ｄ先啦...」
啊希：「啊傑，啊金。放學同我去四樓搵啊嘉」
「仆街啦今次，進退兩難」
返到學校，我打算同啊單討論下呢件事，於是我就換左個位同啊單係堂上商量放學後呢件事。
啊單：「屌...啊嘉ON9到咁...佢地兩個一定世界大戰架喎，上次係學生會，今次係背後話佢」
我：「啊希岩岩好似好嬲，一陣佢兩個鬧交咁點？」
啊單：「屌你又係，應該由得啊嘉介手，咁擔心做咩？」佢笑住講
我：「佢死左我就仆街啦，我點會唔驚」
啊單：「屌，我地令到啊嘉快Ｄ離開學校咪得」
啊單拎左部電話出黎後就傳左個訊息比啊嘉。訊息內容係啊單約啊嘉去食下午茶，啊嘉好快就答應左，而啊單就相約佢放學後五分鐘係學校正門等。另一邊，我就傳左個訊息比啊希，內容係我同啊金要搵MISS，需要遲十分鐘先同到佢搵啊嘉。我同啊單呢個辦法簡直係完美，咁樣佢地一定唔會見到對方。之後我仲叫左啊金遲十分鐘先同我搵啊希。傾掂之後，放學一打鐘啊單就落左去
我：「有咁快走咁快！」我坐係班上叫著
啊單：「屌，逼我硬食啊嘉」
過左幾分鐘後，我就同啊金準備去搵啊希。當我地行緊樓梯果陣，啊單傳黎一個訊息
「快搵啊希！啊嘉唔係到！」
我：「大撚獲！啊金快Ｄ跑上去！」
我同啊金跑左兩層後，就見到五樓有幾條花生友圍住個班房。我同啊金行埋人堆後望向入面。一望入去，就見到雙眼通紅既啊希同啊嘉對罵緊。我地見啊希好似處於下風，我同啊金就衝左入去。啊嘉見到我入左去之後就講
啊嘉：「我同你訊息講既野...你話晒比呢個姣西知...？」佢指住啊希講
我聽到後向啊希望一望，然後啊單就入左黎。啊單望一望大家，見到雙眼通紅既啊希就講
啊單：「哇....第三次世界大戰...？」佢邊笑邊講
啊嘉：「啊單係咪又知道晒Ｄ野？無啦啦約埋我，哈」啊嘉講完奸笑左一下
啊單：「邊係呢...想約你傾下計唔得架咩...」
啊單講完之後啊希就開始出聲
啊希：「我以前一直都當你係好朋友...但係你竟然係背後話我..學生會又搞一大堆廢票出黎...你真係咁憎我？」
啊嘉：「係，好憎你！你根本就係人面獸心...係男仔面前一個樣，係女仔面前一個樣。講到尾，你都係想有班男仔係背後跟住你姐。好似啊洪，啊傑咁囉！」
我：「...你自己諗姐都係...」我細細聲說出
啊嘉：「哈...啊傑姐係依家你幫佢？」
啊希：「啊傑咁樣講得出口...你自己都心知啦」啊希講完笑左一笑
啊嘉：「咁姐係你幫佢？你覺得係我有錯？」
面對住出面走廊愈黎愈多既花生友，眼前呢個進退兩難既場景我真係唔識處理。無論邊一個岩，邊一個錯。我話幫邊個都只會得失任何一方，最後我只講出自己既心底話。
我：「其實...啊嘉你只係妒忌啊希多男仔鍾意姐,,,啊希有咩問題先...」
當我講完呢句說話，走廊上班高中花生友就係到拍手掌
「屌！講得好呀仆街仔！」
「你個仆街仔！都估到你唔幫樣衰果個架啦」
啊嘉：「哈...唔怪得你幫佢啦，啊希手鏈都送埋比你啦，明晒」佢望住我手鏈邊笑邊講
啊希：「你係咪ON9架...唔清楚又係到亂講...」啊希聽完好似著左火咁
啊嘉：「哈，啊傑講得岩丫。啊希的確好多男仔鍾意，我鍾意既人都鍾意啊希啦！」
啊嘉講完之後就拎住個書包行出課室，走廊班人見無野睇就紛紛離場。啊希見啊嘉走左，佢自己都拎起個袋離開，走之前佢同我地三個講
啊希：「唔好意思，阻左你地時間。仲有我唔應該拖埋你落水，SORRY啊傑」
我：「唔洗...我只係講自己想法姐..」
啊希走左之後得返我地三個企左係到。我地三個坐低傾左陣計就返左屋企。但我地既話題唔係岩岩啊嘉同啊希，反而係岩岩食花生食得好開心果班人。啊單事後仲私底下不斷講呢件事抽我水，特別係個一句「都估到你唔幫樣衰果個架啦！」。睇黎今次，我又做錯左一件事，傷了一個女孩的心。