[真人真事]那些年錯過的愛情: 中三２６
家姐：「對唔住呀，岩岩放工入黎擺Ｄ野，SORRY」
我同思蓓見到家姐之後，思蓓好快咁放開我雙手。我地兩個立即坐返係床上面扮睇電視。我望向思蓓，佢低住頭面紅住果個樣真係好得意。家姐入黎擺完野後就出左去
家姐：「唔阻你地啦，食飯叫你地」
家姐講完就奸笑住咁笑左。家姐走左後思蓓就用個枕頭遮住自己塊面
思蓓：「頂！今次好樣衰呀！！」
我：「鬼叫你篤我條腰咩...」我笑住同佢講
思蓓：「係你自己提起昨...羅子傑先生...」佢突然啤住我
我：「得啦得啦，傾下計啦我地」
傾左一陣閒計，思蓓就提起我屋企人
思蓓：「喂...你覺唔覺叔叔最近好似瘦左？」佢指我父親
我：「唔覺喎...做咩咁問？」
思蓓：「無呀...同佢耐無見就咁覺得」
我：「你多疑姐，睇戲睇上腦」我係到取笑佢
過左一陣家姐就叫左我地兩個出去食飯，老豆食左幾啖就同LULU姨出左去食煙傾下計。我地食完飯之後就循例打返幾圈馬吊先，坐得埋黎當然要準備好足夠銀兩。當我坐左埋麻雀枱後，思蓓就坐左係我個位隔離
我：「喂，你坐埋黎做咩？唔玩坐埋一二邊睇電視啦」
思蓓：「我坐埋黎就係要...剋住你」佢細細聲係我耳邊講
打左兩個鐘左右，我已經輸得一文不剩。我離開左個位後就由我媽頂上。輸到仆街之後我同思蓓就渣左家姐架單車出左去踩，思蓓當然坐係單車後面，照舊由我做司機。踩踩下果陣，比我諗到一樣野
我：「小姐，你好似差我一餐糖水」我邊踩邊問
思蓓：「係咩？下次先啦，今日好飽」
我：「提起糖水都唔想食..咁你依家想去邊？」
思蓓：「周圍踩丫！去邊都得」
我：「姐係唔返屋企住？」
思蓓：「嗯...周圍踩得架啦...」佢突然攬住我條腰
我：「做咩呀你...唔開心？」
思蓓攬住我條腰後就無出過聲。見佢愈捉愈實但又唔講野，我就知道佢一定係唔開心。於是我就渣住架單車漫無目的咁慢慢踩，踩到一個燈位，我就停左架車。呢個時候思蓓向我講野
思蓓：「羅子傑...我走左你會唔會掛住我架？」佢坐係我後面說出
我：「當然會啦...咁你會唔會掛住香港既人？」
思蓓：「其實...上左中學之後我就一直想出國讀書。不過拍左拖後反而唔想走...」
我：「哦..你拍過幾多次拖？」
綠燈再次亮起，我繼續踩起單車問佢。等我踩左一段路佢先答我
思蓓：「一次囉...同佢幾個月左右啦」佢吞吞吐吐咁答
我：「言下之意..姐係你同佢拍左拖後..搞到你唔想走啦」我無奈咁笑左一笑
思蓓：「正確Ｄ黎講，我係同佢分手後同你熟左先唔想走」
我：「姐係...？」
思蓓：「今次走左...我好驚再搵唔到一個對我咁好既男仔...」佢再次攬實我條腰
我聽到呢個答案後都唔識答佢，唔擅長講野既我只能以傻笑回應
思蓓：「就到我生日啦..你個無膽鬼打算點架？」佢突然係後面笑住講
我：「我仲思考緊，有排你都未生日啦，等你等耐Ｄ先」
思蓓：「你唔好拒絕我呀，你拒絕左我就再無人主動追你呢個無膽鬼架啦」
我：「哈...你又窒我啦。係啦，點解你會對鍾意既人咁主動？」
思蓓：「因為我會把握機會...對住自己鍾意既野，我唔會咁大方讓比人」
「女人諗既野真係好得人驚」我邊踩邊想
我無應思蓓，但佢仍然有主動傾其他話題。踩到好遠果陣，我就提議送佢返屋企。車佢返屋企途中，思蓓係後座唱起歌黎。佢唱既歌係楊千嬅既勇。第一次聽佢唱歌，估唔到係咁好聽。沿途路上仲要無咩雜聲，令我好清楚咁聽到佢既歌聲。
沿途紅燈再紅 無人可擋我路
望著是萬馬 千軍向直衝
我沒有溫柔 唯獨有這點英勇
送到去佢屋企已經係接近夜晚十二點。佢向LULU姨報個平安後便回了家，佢入屋前更吩咐我今晚早Ｄ訓。思蓓呢種體貼又關心我既性格令我覺得佢好似以前既啊君，兩個既共通點都係比到我一種好特別既感覺。返到屋企之後我見到老豆自己一個企左係厨房入面就上前問佢
我：「啊爹，做咩咁夜仲唔訓？」
老豆：「無，有Ｄ唔舒服，搵緊Ｄ藥食」
我：「你冇野呀？洗唔洗睇醫生？」
老豆：「唔洗啦，你訓覺啦」
過左幾日後就係新年假即將完結時，我同啊格去左一隊出面既乙組籃球隊練波。之前呢隊既教練叫左我地兩個幾次去訓練，我地兩個最近先決定去試下。去左一次後我地覺得學到野就決定以後都去。放完假返學校上堂，總會離唔開三件事。第一，身後既啊螢成日係到煩我。第二，身旁既啊森上堂總會同啊螢吹水。第三，中五臨近放假準備考試，啊嘉就不停向我SMS。
「陪我食飯啦...」
「唉...啊希就走啦，你捨得架啦？」
「你一定又搵啊希傾計啦！」
有一日我同啊俊傾計果陣見到啊嘉，啊嘉就主動行埋黎同我地傾計
啊嘉：「啊傑啊俊，你地係到傾咩呀，我又想知」
啊俊：「女仔就走開啦，我同啊傑傾緊女呀」佢一臉不耐煩地說出
啊嘉：「女？咁一定係啊希啦」
無錯，我同啊俊傾緊既就係啊希同張權既問題，啊俊好似知道好多內幕消息，我就向佢打聽下。點知呢個時候又殺出一個啊嘉
我：「走啦啊俊，落去打波」我拉走左佢
落到去籃球場後，我同啊俊坐左係籃球場既長櫈上。我地兩個望向樓層上既走廊，仍然見到啊嘉企左係岩岩既位置望落黎。啊俊自己出左去同豬皮射波後，啊嘉就傳左個訊息上黎。收到個訊息後，我都望一望樓層走廊上既啊嘉。SMS中寫了
啊嘉：「啊傑，可唔可以唔好係FB再讚啊希既野。我唔鍾意」