[真人真事]那些年錯過的愛情: 中二０１

「岩岩個女仔咪係中一籃球隊個師姐囉。」 

我：「邊個先！？單對單教你果個帶眼鏡既師姐？！」 
啊金：「係呀，無帶眼鏡姐，你唔認得咩？」 

　　原來係禮堂門口果個向我地揮手既女仔，係中一籃球隊練習果陣比支凍水我飲果個師姐。佢無帶眼鏡之下，真係完全認佢唔到。當我望返出禮堂門口，已經人影都見唔到。 

「喂，前面好撚恐怖，企黎後面先」 

　　望返前面，原來講呢句野由前面行黎後面既係啊單。我，啊單同啊金今年轉左入差班，排前面既人全部都唔識。啊單就走黎同我地一齊企最後。 





　　早會聽完校長尻UP之後，大家就上返自己既班房。當我地三個入到去，得番三個近牆既位。我地坐左係近門口既埋牆位，睇住呢班傻西晨早流流係到擲粉筆，擲粉刷。 

　　我同啊單望到呢個場面，不約而同講左一句「ON9」 

　　班主任黎左之後，我地三個依然坐係最後傾計。中一原班升上黎果班人就係到屌黎屌去，擲黎擲去。 

　　班人擲左一陣，有支粉筆飛左去啊金個位附近。有個女仔好大聲叫： 

「肥西！幫我執返！」 





　　啊金聽到之後愕一愕然，最後都幫個女仔執返。當啊金比返佢之後，返到埋位後，啊金同我，啊單講「佢再係咁叫我，我一定投訴佢..」 

突然間，岩岩個女仔企左起身拍枱大叫：「投咩撚野訴呀！你試下！」 

班主任：「喂，算啦算啦，坐返低先」 

　　屌，呢班講到明就話係精英班之後既第二好班，但其實呢班人，同黑社會一Ｄ分別都無...

　　小息期閒，落地下食野果陣見到汪SIR。於是我就問佢今年籃球隊既野。 





我：「汪SIR，陳SIR幾時開始同我地練返？」 

汪SIR：「下？今年陳SIR唔教啦。學校請左一個新既女教練黎教。大約下星期左右就開始練波」 

我：「下？陳SIR唔教？？」 

　　汪SIR好似聽唔到我講野咁，行左去第二邊同學生傾計。而我就決定今晚返到屋企開MSN問下陳SIR，搞清楚唔請陳SIR教我地既原因。 

　　小息完左之後，班主任就係到分配座位。我同啊金都係坐係側邊。啊單就調左去同岩岩起身拍枱果個女仔坐。啊單坐到埋去就係咁叫條女做大佬，同條女傾得有講有笑。原來岩岩企起身拍枱屌啊金既女仔叫啊美。佢係呢班其中一個惡女，更加係帶頭搞事既人。 

　　呢一日放學之後，我就返到屋企MSN問陳SIR 

我：「陳SIR，做咩今年你唔教我地？」 





　　傳左個訊息比陳SIR之後，我就自己落街練，練完波後，係屋企食完飯，MSN先傳黎一個震動。 

陳SIR：「挑，咪你地既汪SIR炒撚左我囉」

我：「做咩無啦啦炒左你？」 
陳SIR：「因為年年男女丙組都有獎拎，你地上年打到咁。佢唔滿意我表現炒撚左我掛」 
我：「對唔住..啊SIR...」 
陳SIR：「唔洗講對唔住，唔係你地問題。我已經搵到一隊新球隊教。今年大有機會碰頭。大家加油啦，想打波可以搵我」 

　　陳SIR講完之後就離線，我決定要以行動證明比全部人睇，低FORM籃球隊唔係垃圾。 

　　過左幾日，汪SIR係早會上面叫左今年參加籃球隊既所有同學入去會議室商量設計今年既波衫。由於啊單受傷無得打，我就諗住叫啊金，啊力，啊俊熟既朋友一齊入去。點知呢三條撚樣比左同一樣既答案我 

「今年我無報名喎」 





　　我屌，上年一齊打既隊友又熟既，竟然一個都無。於是我就自己行入會議室，睇下有無識既同級同學。點知入撚到去，只係見到一大班高年級既哥哥姐姐差唔多坐滿晒成間房。係我企係門口既角度，一個熟悉既樣子都見唔到。突然間，高年級堆哥哥入面有人叫 

「喂，中二定唔知中三雞，過黎呢邊坐」 

　　我望過去，叫我果個原來係高年級哥哥啊天黎。我聽到佢咁講之後慢慢行埋去，行到差唔多發現啊天後面坐住幾個女仔，其中一個女仔竟然係...比水我飲果個姐姐！！