[真人真事]那些年錯過的愛情: 中一１８
我企係到望住個分班表，發現由精英班調左去差班有我，啊單，啊金個名係到。當我睇埋本身個班有咩人調班之後，啊單就慢慢係樓上行左落黎。
啊單：「屌，我收到風我地比人調左班」
我：「係呀頂，成班都無個識，點算呀...」
啊單：「屌，呢班有黑社會嫁喎。開左學我地都係坐埋一二邊算」
同啊單傾傾下計，聽到遠處有人講野同見到籃球場有人指住我地。我地望過去，又見到岩岩開學既畫面。一班師兄控住個波傾計
「省尻佢，省尻佢！」 遠處既聲音愈黎愈大聲
我，啊單：「屌，走呀！」
我同啊單拎住張成績表急步行出學校門口，去到附近一間士多先停低休息一陣。因為早放學，啊單又無得打波。我就去左啊單屋企打機，順便睇下佢電腦入面既珍藏。睇睇下小弟弟就有生理反應，因為我仲係第一次睇。於是我就訓係佢張床到睇佢Ｄ漫畫，分散一下注意力。點知好快比佢發現左。
啊單：「喂，你扯左？」
我：「屌 你咁都知？」
啊單：「不如...我幫你打飛機」講完淫笑一下
我：「...你傻撚左呀」
啊單：「好正架喎，我小學都幫個我Ｄ同學打飛機。佢地仲話好舒服」
我：「屌，我地不如打返機呢」
啊單：「唉算撚數，第日你一定會後悔」
再係啊單屋企打左陣機之後，我就拎住份滿目瘡痍既成績表返屋企。當我以為會比老豆老母捉住黎打既時候，佢地拎住我份成績表只係搖頭。兩老係夜晚食飯就討論我將來既問題。
啊媽：「啊傑，不如你跟埋你家姐下個月去美國讀書啦，係香港讀書無用架啦」
我：「唔去啦」我不耐煩咁講
老豆：「係囉，傑仔鍾意打波咪唔好理佢囉，行行出狀元姐」
啊媽：「唔得，如果下年啊傑再考成咁，我地就送佢去外國讀書！」
聽到啊媽今晚既說話，我只係記得，當晚係含住眼淚食每一啖飯。返到入房，諗返呢一年籃球學界三場輸成一百幾分，入左間黑社會學校，下年中二比人調去差班，比屋企人叫我去外國，遲到一分鍾入唔到本來既學校，諗返係啊靜學校門口，睇住佢同啊志行走。呢一年發生既每一件事，對我黎講全部都係不如意。諗返呢Ｄ野，眼淚終於一滴滴打落床單到。
當我唔開心既時候，我就會諗起啊君。只有啊君，我先可以將心底既唔開心講晒出黎。我知道啊君間學校聽日先係派成績表既日子。於是我就決定聽日去佢學校門口等佢放學。
第二日，我早左十五分鍾係啊君間中學門口到等佢。由於佢唔知我今日會出現，所以我就坐左係公園既隱蔽位置。係遠處觀望啊君幾時出黎，順便比個驚喜佢。
我簡左一個位置坐低之後，見到一堆金毛既男女行過，成班人坐左係間中學出面個公園入面食煙。睇佢地坐左係到食煙，估計佢地應該都係等人放學。而我因為唔想食呢班仆街既二手煙，我就再坐遠Ｄ。不過仍然望到個學校門口。
等多幾分鍾後，啊君間中學終於放學。學校入面亦都有好多人不斷慢慢咁行出黎。當每一班人行出學校門口，我都好仔細咁望下人群入面有冇啊君既蹤影。幾分鍾之後，終於比我望到啊君出黎。同佢一齊行出黎既係兩男兩女，計埋啊君，總共有五個人。
啊君同佢Ｄ朋友行左出學校門口之後，就去左公園入面搵班金毛。佢地五個人同果班染晒金毛既人傾左一陣計之後，就行左第二邊既路走左。
本來我想上前叫啊君，不過我都好奇佢地會去邊到。於是我就一直係後面跟住佢五個，佢地直到行左去一個籃球場之後先擺低書包係果到坐。當我係球場出面睇佢地做咩既時候，我係出面見到啊君係袋到拎到包煙出黎，仲聽到佢問Ｄ同學
啊君：「喂，有冇火機呀？」
我睇到之後，行入球場，一手將啊君手中拎住既煙盒打落地。
我：「屌，你食咩撚野呀！！」
我簡左一個位置坐低之後，見到一堆金毛既男女行過，成班人坐左係間中學出面個公園入面食煙。睇佢地坐左係到食煙，估計佢地應該都係等人放學。而我因為唔想食呢班仆街既二手煙，我就再坐遠Ｄ。不過仍然望到個學校門口。
等多幾分鍾後，啊君間中學終於放學。學校入面亦都有好多人不斷慢慢咁行出黎。當每一班人行出學校門口，我都好仔細咁望下人群入面有冇啊君既蹤影。幾分鍾之後，終於比我望到啊君出黎。同佢一齊行出黎既係兩男兩女，計埋啊君，總共有五個人。
啊君同佢Ｄ朋友行左出學校門口之後，就去左公園入面搵班金毛。佢地五個人同果班染晒金毛既人傾左一陣計之後，就行左第二邊既路走左。
本來我想上前叫啊君，不過我都好奇佢地會去邊到。於是我就一直係後面跟住佢五個，佢地直到行左去一個籃球場之後先擺低書包係果到坐。當我係球場出面睇佢地做咩既時候，我係出面見到啊君係袋到拎到包煙出黎，仲聽到佢問Ｄ同學
啊君：「喂，有冇火機呀？」
我睇到之後，行入球場，一手將啊君手中拎住既煙盒打落地。
我：「屌，你食咩撚野呀！！」