[真人真事]那些年錯過的愛情: 中一１６

放左學之後，我地成班人係學校打左陣波就一齊去球場。比賽場地係一個室外場，黑漆既夜晚加上白色既燈光打入場地到，令到比賽氣氛比平時下午更加好。而且今日唔知做咩成個場附近都係學生妹，多女既情況係多到不能形容。係咁多人面前比賽，大家都係第一次。 

　　六點左右，陳SIR到左之後叫我地熱身。熱身既時候，對面隊班人係到拍板又拉框，果Ｄ著校服既學生妹就係到淫叫。望真Ｄ，對住班人個個都係長毛黎，頭髮個個都長到成個陳浩南咁。身型比例完全唔似一個中一中二生。 

　　對面Ｄ女觀眾多到企左黎我地呢面，相比真係我地觀眾既，只有啊神同啊樂兩個。 

　　比賽開始左之後，又係好快比人入左波。準備開始進攻既時候，陳SIR就叫我去定前場等波。啊俊開左波比啊力之後，對面兩個人一守啊力就比人偷左波快攻。如是者，我地一開波就比人搶返，打左幾分鍾我地隊都未過到前場，分數又比人拋離多左。陳SIR就叫左個暫停。 

陳SIR：「你地做咩春姐。一陣啊俊傳比啊力之後，啊傑上前場拎波，跟住自己打上去。」 





　　哨子聲再次響起，啊俊開比啊力之後，我就跑上去拎波。點知跑上去果陣，已經有兩個陳浩南係我前面阻住我。 

陳浩南A：「你無機會掂波架啦」 
陳浩南B：「我地會封殺你」 

　　當我好辛苦上到前場有位置拎波，粒波又比人偷左去快攻。之後既時間，我地都係過唔到場，直到比賽打左一半。入波既歡呼永遠只有對面，全部都係學生妹既叫聲。打完頭二十分鐘，我地已經破紀錄輸到五十幾比零。 

　　後來先知道，對面呢招神技叫「全場緊迫防守」

　　陳SIR：「估唔到對面會緊迫你地...之前無教你地點破呢個防守，依家講一次比你地聽，全部人過黎」 





　　陳SIR講完呢個戰術之後，就定左呢個破防守既戰術叫「狗仔」，而我地就岩岩好似陪跑咁，跑黎跑去，無練過體能之下就覺得好累，陳SIR講咩大家都好似咩都聽唔入耳咁。 

陳SIR：「一陣啊傑落黎休息，換啊金上場」 
啊金：「知道」 
陳SIR：「你地落到場比Ｄ火啦，好似比對面強姦咁。我要你地有氣勢呀！」 
我地：「收到！」 

　　我地呢一叫，竟然吸引到全場既目光，漸漸聽到有女仔為我地隊打氣。 





　　比賽開始之後，對面一樣不斷入我地波，佢地出左十分鍾正選。之後就出左一班好細粒既細路出黎，估計係佢地隊既中一仔。 

陳SIR：「我估撚到佢地出中一仔架啦，係時候破蛋啦！啊傑你休息完未？」 
啊傑：「休息完啦....」　原來岩岩陳SIR換我出場係比我休息，我依家先明 

　　最後十分鍾既比賽開始左之後，對面既人無再用強姦我地既防守戰術。我地就係睇準呢個機會慢慢入波。當自己隊破蛋一刻，全場觀眾係到尖叫。好似等左呢一球好耐咁。我地就愈打愈起勁，陳SIR定我地目標唔係比人讚，係唔可以入得個位數分數完成比賽。對面換左中一仔之後，大家打返正常實力，最後都無輸得太樣衰。總算唔係０分，係１７分。 

　　雖然呢１７分係對住經驗尚淺既中一仔拎，係同年齡之下，隊友不斷安慰自己話已經嬴左佢地。不過，呢一個只係一個自我安慰。 

　　輸左波之後，陳SIR叫我地集合去訓話，當我拎書包果陣。啊金叫我　「喂，有女仔搵你喎」 

我：「邊個呀？」 

「請問...你係咪羅子傑呀？」 





我：「係呀...咦，你咪係啊寶」

「你係啊寶！？」無見咁耐，呢條女正左好多 
啊寶：「唔好唔開心啦，你打得好好架啦」 

　　咁耐無見，第一句竟然係輸到仆街之後既安慰說話。 

我：「嗯...得架啦...」 
啊寶：「呀..我今晚MSN搵你啦，走先啦」 

　　估唔到今日呢場頭三十鍾拎得０分既比賽比咁多間唔同中學既女見到，仲要撞返小學師姐。呢一次真係唔撚洗再見人。唯一慶幸係無叫啊君黎睇比賽，睇唔到咁富恥辱性既事。我地全部人行到去陳SIR果到，之後佢就開始訓話 

陳SIR：「今日大家...」 

「咳咳」　汪SIR打斷左陳SIR既說話 





汪SIR：「拿，你地今年打得好好架啦，今日之後大家準備你地學期最後既考試啦。練波就另行通知。大家有無問題！？無問題就走得架啦」 

啊力：「但係...陳SIR未講返比賽入面既細節喎」 
汪SIR：「太夜啦，你地返屋企啦，相信陳SIR都無野想補充」 
陳SIR：「係啦，岩架啦！大家走啦，有機會再見！」講完佢就自己行走左 

　　當時班隊友聽到暫時唔洗再練波，簡直係開心到極點。一星期有四日都有陳SIR既地獄式訓練，大家聽到自然忘記岩岩輸波既事。對於呢班人黎講，根本無人會為輸波而唔開心。但我聽到出岩岩兩人既對話，感覺好似會有Ｄ野發生，但又講唔到出黎。 

　　離開左比賽場地之後，我就自己一個人行返屋企。由我岩岩離開球場到我返到屋企，我搵左幾次啊君佢都唔覆我。我以為佢可能係溫緊書之類。所以返到屋企我就食飯先，之後再搵啊寶，而且可以等啊君得閒覆我。

我：「我返黎啦」 
老豆：「點呀，嬴定輸呀？」　佢一早知我比賽 
我：「...輸八十幾比十七..」 
老豆：「屌，你打籃球定踢波呀，輸咁撚多！？」佢掙大隻眼問我 




我：「唉...」 
老豆：「算啦輸波姐，過黎食飯先。」 

　　輸左波之後，返到屋企竟然感受到家既溫暖。一路食飯，老豆就係到安慰我，叫我唔好放棄，聽完之後輸波失落既感覺全部都無晒。反而令我更加有決心打籃球。食完飯之後我就開左個MSN，點知一開啊寶就搵左我。 

啊寶：「喂，返到屋企啦？」 
我：「返左好耐LU，你話今晚搵我傾計傾Ｄ咩？」 
啊寶：「咁耐無見，今日撞返傾下計都唔得呀？」 
我：「緊係得，但係傾咩先？！」 
啊寶：「就傾啊靜」