[真人真事]那些年錯過的愛情: 中一１５

第一場排球比賽完左之後，跟住落黎半個月就係排球比賽既賽程。半個月入面好快就打完第二，第三場分組賽賽事。中一既排球比賽打到次名出線之後，第一場就比人２：０掃低左。之後我就專心練返籃球，準備打最後一場籃球學界。而啊君係第一場排球比賽有黎睇之外，其餘三場都無出現，只係信息到同我打氣。 

　　呢一日假期，陳SIR就叫左我地籃球隊返去學校練波。係佢未到之前，我就SMS啊君。 

我：「我聽日放學打最後一場籃球學界啦。打夜晚七點，你黎唔黎？」 

「喂，快撚Ｄ行出黎熱身啦羅子傑」陳SIR係到嗌 

　　屌，原來陳SIR已經到左，呢班仆街知道我玩緊電話又唔同我講，正一撚屌黎。我收埋部電話之後，就行出去同佢地一齊熱身。 





陳SIR：「...搞咩撚野呀...你地得六個人？聽日打飛機呀？」 

　　今日有黎練波，只有我，啊俊，啊賢，啊金，啊力同一個叫啊狼既人。其他人因為怕辛苦同頂唔住陳SIR既脾氣，所以愈黎愈少出席。而且，係對上兩場比賽加埋輸左接近八十分之後，籃球隊既人就愈黎愈少。由十幾個變到得十個，十個變到依家得返六個。然而，啊單因為岩岩做完手術，打唔到比賽。 

啊力：「我叫佢地聽日比賽黎啦。」 
陳SIR：「唉，是但啦。」 

　　我聽得出，陳SIR呢一句，包含左對球員既無奈同失望。 

　　今日練波得六個人，所以陳SIR都係叫我地射下波，走下籃又三個鍾。完全無教關於戰術上既野。對於聽日既比賽，陳SIR就好似聽天由命咁，咩都唔理，咩都無講就解散左我地。我離開學校果時，搵返部電話出黎，發現啊君仲未覆我信息。 





「唉..仲未覆我既..」 

　　當我行到出校門口，聽到馬路上面有人叫我。 

「喂，去邊呀啊傑」　原來係陳SIR係車上面叫我 

我：「冇呀，返屋企啦依家」 
陳SIR：「上車啦，我兜埋你返屋企」

　　平時嚴肅既陳SIR竟然車埋我返屋企，上到車講左我住邊之後我都唔敢打開話題，一陣講錯野比佢罵就仆街，佢火起上黎唔知車撚左我去邊就大鑊。 

陳SIR：「喂，你平時有冇打開波呀？」 
我：「下...有呀，間唔中會落樓下街場打」 
陳SIR：「嗯..其實你同啊單都好有潛質打上去」 
我：「咩叫潛質？？」　當時既我，真係咩撚野都唔識 
陳SIR：「唔係掛...總之係正面野啦。」 

　　我地之後無講過野，隔左一陣，陳SIR又再同我講 

陳SIR：「如果你真係鍾意籃球，就唔應該好似佢地咁放棄。」 
我：「對住自己鍾意既野，我唔會放棄架喎」 
陳SIR：「咁就得啦...如果第日我唔教你地，你地都可以約我出黎打波」 
我：「下...你下年唔教啦咩？」 
陳SIR：「到啦，落車啦，聽日六點到比賽場地熱身」 




我：「哦...好啦...」 

　　陳SIR送到我返屋企之後，我一直係到諗佢岩岩講過既野，同時等緊啊君既回覆。等到十一點左右，啊君終於係SMS覆我。 

啊君：「我今日出左去玩，電話又無電，應唔到你呀」 
我：「下？你同人玩到咁夜？邊個黎架？」 
啊君：「無呀，一大班朋友昨。聽日太夜啦，我黎唔到啦」 
我：「咁...好啦...」 
啊君：「放心啦，一定有下次既」 
我：「嗯...我訓啦早抖」 

　　啊君同我講左加油之後，我就訓著左。估唔到聽日呢場比賽，將會令我畢生難忘。