[真人真事]那些年錯過的愛情: 小學13
日子一日一日咁過去，我同啊靜啊君就變返以前既關係咁，我覺得唔同既係，啊君同我關係愈黎愈好，而我同啊靜就好似返唔到以前果種關係咁，硬係覺得我地兩個之間有啲隔膜。
大考轉眼就完，意味著我地呢班人好快就會畢業，一大班人各散東西，入自己既中學。
畢業前夕，我地五班人都煩緊畢業歌唱邊首好，而且班上面無人表態，諗唱咩野歌就推左比我，啊江同基佬宗。呢個問題亦都困擾左我地好耐。
啊江：「求其唱首獅子山下咪得囉」
基佬宗：「點可以唱呢啲架，唱啲與眾不同既歌先得架嘛」
雖然班上面既同學唔介意唱咩歌，但係要諗與眾不同既歌真係好難。結果基佬宗同啊江商議左好耐都無共識。而我就係隔離食花生睇戲。
啊江：「啊傑，你表下態啦不如，坐係到又唔出聲。」
我：「要我諗呀...唱周杰倫首蒲公英的約定囉」
基佬宗同啊江都不約而同贊成我既意見。
當時既我並唔知首歌有咩含意，純粹覺得首歌好聽，返到屋企之後，我就睇左歌詞，諗住問埋啊靜同啊君有咩意見。
我：「佢地要我簡，唱呢首好唔好呀」
啊君：「你知唔知首歌講咩架，都唔關畢業事既」
啊靜：「唔係呀，我覺得幾好呀。我果班都唱童話啦」
啊君：「邊個簡架，有得咁既咩」
啊靜：「嘻嘻，係我簡既，你唔抵得咩」
結果，我簡既歌比自己班既同學贊成。練左一個星期左右就上台演唱。其他班都係唱大體既友共情同友誼萬歲之類。只有我同啊靜果班唱既畢業歌分別係蒲公英的約定同童話。我地係全校師生睇住既畢業禮入面唱呢兩首歌，對我黎講算係小學一個最美好既回憶。
最後，我同啊靜呢種反傳統唔唱友情歌既新奇諗法令我同佢果班同時得獎。當校長宣佈兩班代表上台拎獎既時候，啊靜就由佢果班既座位行埋黎我果到。
啊靜：「一齊上去啦傻佬」
啊靜當住咁多人面前叫我傻佬，搞到我怕羞既本性出晒黎，亦都令我唔敢上台。啊江見我怯，就推左我出去。
啊江：「上啦仲望」
於是，啊靜就拖住我隻手，好開心咁行上個台上面拎獎。我仲記得我係後面望住佢，佢拖住我行果時笑得好開心，完全無理旁人既目光同歡呼。
校長將個獎比左我同啊靜之後就叫我地三個一齊影相。雖然份獎品後尾拆開黎睇係一盒金莎黎。但係，對我黎講，呢份獎品唔係一盒金莎。呢一份獎品，就係呢一張，羅子傑同啊靜既合照。
畢業禮完左之後，六年級就留左係禮堂影畢業相。我仲好記得，當時班上一個男神－啊志。同我講左一句說話。
啊志：「正啊，呢個企位有基佬宗同啊傑企係我隔離，先顯得我咁靚仔。」
基佬宗：「好衰囉你」
「１，２，３ 笑」
呢幾張畢業相影完之後，睇返張相，啊志企係我同基佬宗中間，真係顯得佢特別靚仔。最後大家亦都用紀念冊留低大家既聯絡方法。離開禮堂之後，就代表我地小學生涯即將結束。
兩日假期之後，就係知道大家被排去邊間中學既時候...
啊志：「正啊，呢個企位有基佬宗同啊傑企係我隔離，先顯得我咁靚仔。」
基佬宗：「好衰囉你」
「１，２，３ 笑」
呢幾張畢業相影完之後，睇返張相，啊志企係我同基佬宗中間，真係顯得佢特別靚仔。最後大家亦都用紀念冊留低大家既聯絡方法。離開禮堂之後，就代表我地小學生涯即將結束。
兩日假期之後，就係知道大家被排去邊間中學既時候...