[真人真事]那些年錯過的愛情: 小學14
呢一日落住大雨，上天既心情仿佛同我一樣
「請所有小六同學去禮堂集合」
聽到老師叫大家集合，大家平時既嬉皮笑臉都唔見左，臉上全部都係不安驚慌之情。大家害怕既係同自己既兄弟姐妹，好朋友分開。而我，就係害怕同啊靜分開。上樓梯之前，啊靜同啊君走埋黎同我傾計。
啊靜：「一陣我地三個就一間中學架啦，笑下啦」
啊君：「係囉，成日黑口黑面，一定得架」
佢地講左呢番說話之後，我好想誠實同佢地講 「我無簡同你地兩個約定既中學」 但我唔想掃佢地兩個興，只好強顏歡笑應左一聲，然後見步行步。
老師循例講左一堆廢話之後，就係知道大家被派去邊間既時候。好多同學知道結果後係到喊，有啲就好開心係到大叫。而我，一啲都唔開心。
望住手上既結果。雖然呢間中學係我同屋企人簡左既第一志願，但我一啲都唔開心。因為我知道，我好快會同你地分開...
啊君喊住慢慢行過黎我呢邊，一睇佢個樣就知佢入唔到我地三個約定果間中學。
啊君：「我入唔到...我地約定果間中學...」
我：「比我睇下」
一睇之下，我竟然同啊君一間中學！啊君成績咁好，但係簡既第一志願中學竟然唔收佢，呢個結果令我有啲突然，佢同我一樣，派左去一間普普通通中上既中學。而啊君知道左同我同一間之後，佢心情立即變好，無再好似岩岩咁喊。
啊靜：「我入到啦！你地呢」啊靜笑住跑黎講
我同啊君講左個結果比佢聽之後，佢臉上既笑容立即消失左，眼上面有眼淚流落黎...
啊靜：「點解...個結局要係咁...」
啊靜喊到情緒好激動，無論我同啊君點勸佢，佢都一直係到唔講野。
呢個時候，啊志行左過黎問啊靜 「點啊，入到第一志願既中學，心情一定好好啦。」
啊靜：「不好」
啊靜講左呢句之後就離開左學校，而啊君向我示意之後就跟住佢離開，睇黎佢係想安慰啊靜既情緒。
而我，就同啊江，啊志係學校門口，等雨停先返屋企。心入面全部都係諗緊岩岩發生既事。
係我呢一班朋友入面，只有我同啊君暫時同校...好朋友啊江，基佬宗，啊喬，啊靜，啊志。全部都分排到唔同既學校，令我依家既心情，更加低落。
啊江：「終於離開呢到啦，做啲未做過既事啦。」
我：「你想做咩？」
啊江：「有冇睇電視嫁。我地畢業，個天又落大雨，緊係跑出去學校門口先型架啦。」
啊志：「跑囉，反正無野做。」
我：「唉，跑就跑啦」
於是，我地三個小朋友就係呢場大雨之下，係街上漫無目的咁跑。啊江同啊志係到大叫終於畢業之類。而我就一直係後面靜靜地跟住佢地。係呢場雨入面，雨點一滴滴打落我塊面上，我面上已經分唔清邊啲係眼淚，邊啲係雨水。我既心情，就好似呢場大雨一樣。
如果時間可以倒流，我一定會簡返我地三個約定果間中學。至少，有一個機會可以同啊靜一齊。
我一路跑，一路跟住佢地大叫，抒發自己心情...
我後悔了...對唔住...啊靜...
「請所有小六同學去禮堂集合」
聽到老師叫大家集合，大家平時既嬉皮笑臉都唔見左，臉上全部都係不安驚慌之情。大家害怕既係同自己既兄弟姐妹，好朋友分開。而我，就係害怕同啊靜分開。上樓梯之前，啊靜同啊君走埋黎同我傾計。
啊靜：「一陣我地三個就一間中學架啦，笑下啦」
啊君：「係囉，成日黑口黑面，一定得架」
佢地講左呢番說話之後，我好想誠實同佢地講 「我無簡同你地兩個約定既中學」 但我唔想掃佢地兩個興，只好強顏歡笑應左一聲，然後見步行步。
老師循例講左一堆廢話之後，就係知道大家被派去邊間既時候。好多同學知道結果後係到喊，有啲就好開心係到大叫。而我，一啲都唔開心。
望住手上既結果。雖然呢間中學係我同屋企人簡左既第一志願，但我一啲都唔開心。因為我知道，我好快會同你地分開...
啊君喊住慢慢行過黎我呢邊，一睇佢個樣就知佢入唔到我地三個約定果間中學。
啊君：「我入唔到...我地約定果間中學...」
我：「比我睇下」
一睇之下，我竟然同啊君一間中學！啊君成績咁好，但係簡既第一志願中學竟然唔收佢，呢個結果令我有啲突然，佢同我一樣，派左去一間普普通通中上既中學。而啊君知道左同我同一間之後，佢心情立即變好，無再好似岩岩咁喊。
啊靜：「我入到啦！你地呢」啊靜笑住跑黎講
我同啊君講左個結果比佢聽之後，佢臉上既笑容立即消失左，眼上面有眼淚流落黎...
啊靜：「點解...個結局要係咁...」
啊靜喊到情緒好激動，無論我同啊君點勸佢，佢都一直係到唔講野。
呢個時候，啊志行左過黎問啊靜 「點啊，入到第一志願既中學，心情一定好好啦。」
啊靜：「不好」
啊靜講左呢句之後就離開左學校，而啊君向我示意之後就跟住佢離開，睇黎佢係想安慰啊靜既情緒。
而我，就同啊江，啊志係學校門口，等雨停先返屋企。心入面全部都係諗緊岩岩發生既事。
係我呢一班朋友入面，只有我同啊君暫時同校...好朋友啊江，基佬宗，啊喬，啊靜，啊志。全部都分排到唔同既學校，令我依家既心情，更加低落。
啊江：「終於離開呢到啦，做啲未做過既事啦。」
我：「你想做咩？」
啊江：「有冇睇電視嫁。我地畢業，個天又落大雨，緊係跑出去學校門口先型架啦。」
啊志：「跑囉，反正無野做。」
我：「唉，跑就跑啦」
於是，我地三個小朋友就係呢場大雨之下，係街上漫無目的咁跑。啊江同啊志係到大叫終於畢業之類。而我就一直係後面靜靜地跟住佢地。係呢場雨入面，雨點一滴滴打落我塊面上，我面上已經分唔清邊啲係眼淚，邊啲係雨水。我既心情，就好似呢場大雨一樣。
如果時間可以倒流，我一定會簡返我地三個約定果間中學。至少，有一個機會可以同啊靜一齊。
我一路跑，一路跟住佢地大叫，抒發自己心情...
我後悔了...對唔住...啊靜...