[真人真事]那些年錯過的愛情: 小學12

係我眼前呢兩條女著住中學校服，條裙短到仆街。望真啲，佢地既樣貌純情得黎又幾靚女，點諗都諗唔到呢兩個女仔係岩岩插我屎眼既人。 

我：「你地傻架，三唔識七搞啲咁既野。」 
女A：「唔得咩，益左你啦肥仔。」 
我：「兩位係咪點錯相？」 
女A：「係你啦，你識啊靜架嘛。」 
我：「係啊..你地係？」 
女A：「我叫啊寶」 
女B：「我叫NIKO」 





　　雙方介紹完自己之後，我就知道啊寶岩岩點解爆我菊花。原來啊寶同NIKO上年都係下午班既人。今年佢兩個升左中一之後都有同啊靜果班人聯絡。係琴日我借左二百蚊比啊靜之後，班男仔就同佢地兩個亂講野，又話我始亂終棄，溝完啊靜溝第二個咁。佢兩個本身同啊靜好好朋友，知道左之後今日就黎爆我菊花。 

　　我地搵左一間餐廳坐，解釋完呢幾個月發生既事之後，佢地兩個先開始信我講既野。 

啊寶：「咁你覺得啊靜依家對你點？」 
我：「佢都有新仔追佢啦，仲去問人咩。」 
啊寶：「死肥仔，琴日佢攬得你，證明佢仲掛住你啦，快啲搵人」 

　　啊寶講完呢句就搶左我部電話，好熟手咁禁左幾下制就傳左個信息比啊靜，內容係「我有啲野同你講　OK？」　真係不得不佩服女仔打字既速度，我第一時間都阻止唔到佢。 





　　啊靜好快就覆左我「好啊」　啊寶同NIKO睇到都係到偷偷地笑。同佢地兩個傾多一陣就返屋企，臨走前啊寶同我講「得左請我食飯啊」 

　　其實我都唔太想再單獨見到佢，雖然借錢比佢果日，佢對我無咩抗拒。但係佢對我講個個啲絕情既說話，係我心入面都係有一條刺係到。不過，既然知道啊靜本身唔係討厭我，唔係玩我。聽日就同佢講清楚，唔好比自己後悔。 

　　我拎起手機，禁左幾個制「啊靜，聽日放左學老地方等」

　　約定左啊靜之後，我就好似以前咁，一放學就去到條河到等佢。當我行到差唔多到，我就見到一個女仔企左係條河附近係到望住我。再行近啲，就睇得清楚，呢個係啊靜黎。遠處就見到佢嘴角微微咁向上笑，呢個笑容，就好似當初第一次見面，佢笑住話我陸軍隊長咁... 

　　當我愈行愈近，心就跳得愈黎愈快。咁耐無同佢傾計，唔知佢仲對我有咩感覺呢... 





啊靜：「傻佬，終於到啦咩。」 
我：「你叫我...傻佬？你唔係有男朋友咩...」 
啊靜：「緊係無啦。今日想問你一樣野。」 
我：「好啊，問啦你。」 
啊靜：「啊傑，你依加仲鍾意我？」 

　　面對呢個問題，我無第二個答案。 

我：「係！以前係，依家都係。」 
啊靜：「聽到你咁講...我就開心啦...我地黎個約定好冇？」 
我：「咩約定？？」 
啊靜：「我知道，啊君仲係好鍾意你。依家我地都係岩做朋友多啲。不如我地比一年時間大家，如果你仲係接受唔到啊君，一年後我地仲鍾意大家既，咁我地就拍拖啦，好唔好？」 
我：「...」 

　　當時既我都唔知比咩反應啊靜好。不過我地有一年之約。換言之，只要等到一年過去，我就有機會啦！ 





我：「好啦，我答應你。咁你...」 
啊靜：「我？」 
我：「咁你...有冇鍾意過我呢個傻佬...一分鍾...？」 
啊靜：「你話呢？」 

　　啊靜講完呢句就攬住左我，我地攬住左之後就咩都冇講。時間，就好似停止左一樣。我永遠都唔會忘記果一日，啊靜攬住我果一刻，佢既眼淚已經整到我件衫濕晒。雖然我心入面有十萬個不願意，但係啊靜都開到口，唯有順佢意... 

　　當時既我，好希望時間，永遠停留係果一刻... 

她做了她覺得對的選擇　我只好祝福她真的對了 
愛不到我最想要愛的人　誰還能要我　怎樣呢？