[真人真事]那些年錯過的愛情: 小學11
第二日，約左啊君放學係學校附近條河到等。我無諗啲特別對白討好返啊君，約佢出黎只係純粹想道歉。雖然我唔鍾意佢，但我都唔想無左呢個識左四年既好朋友。等左一陣之後，亦都見到啊君係遠處行緊過黎。未等佢行到黎，我已經行上前準備開口。
「對唔住」 我同啊君同時講出
估唔到啊君竟然會同我講對唔住，啊君都好似估唔到我會咁直接道歉，臉上一面愕然之餘，仲睇到佢隻眼紅紅地，好似想喊咁。我咁大膽開到口，緊係我搶住講先。
我：「啊君，兩個月既事我誤會左你。我仲無搵你兩個月，無向你道歉。我覺得我地兩個好朋友無左邊個係身邊都唔得，我無左你係身邊真係好悶。我知錯啦，可唔可能比次機會我，接受我道歉？」
啊君：「其實我都好想搵你傾計...同你講對唔住...但我怕你嬲左我，我每一日Online都想見到你有上線...我唔會再提兩個月前既事，你都忘記左佢...始終啊靜先係最岩你...我地係朋友對我黎講就足夠...」
啊君講到呢到已經講到一舊舊。明顯睇得出佢想喊，但又係到死忍。見到佢依家既樣同聽到佢岩岩講既野，我就明白，愛一個唔鍾意你既人，有幾咁傷心，有幾咁辛苦。
見到啊君咁，我就用手指彈一彈佢額頭。呢個動作係啊君以前恰我矮，成日用手指彈我額頭，次次都彈到我好痛。而我今次彈佢額頭，就係輕輕力咁彈左一下。
啊君：「...你做咩啊...？」
我：「想喊就喊啦，唔好懶叻啦，對眼唔係囉黎裝眼淚架。」
啊君聽到我咁講，就即刻忍唔住，企係到大喊一場。我都有搭佢膊頭以示安慰。等佢唔好喊得咁犀利，始終我都唔太識講野。
我：「以後啊，我地要入同一間中學，入同一間大學，識更多更多既四年！」
啊君：「嗯！」
就係咁，啊君最後比我搞到又喊又笑，最後佢原諒左我，我送左啊君去搭車之後，就返左屋企。係呢一日之後，我同啊君既關係有增無減，關係比兩個月更加好，但係對我黎講，只係好朋友知己既關係。
但係，等我以為啊靜消失係我世界果時，佢又出現返...
當時正值五月左右，我收到一個熟悉又陌生既電話，一看之下，竟然係...啊靜打比我！開頭打左一次黎我都無聽，直至啊靜打左第二次黎，我先肯聽呢個電話。
我：「喂...？」
啊靜：「啊傑？我係啊靜呀...可唔可以幫我一個忙？」佢好急咁講
我：「嗯，可以，有咩事？」
啊靜：「可唔可以拎二百蚊出黎比我？」
當時既二百蚊對我黎講簡直係天文數字，啊靜仲要咁耐無搵我，一打黎就問我借錢。聽到之後已經要諗緊點推佢，但係聽到佢講野愈黎愈急，我就決定點都好一定要拎呢二百比佢。當係為左朋友。
我打開個銀包，入面二十蚊都無。唉，但係應承左人一定要做到。於是，我就趁我老豆訓左教，係佢銀包偷偷拎左二百蚊出黎。
出到黎約定既地點之後，啊靜就叫我係個到等佢。等左一陣，啊靜就係我前面一間唱K既地方出左黎。
啊靜：「啊傑，我地唱K整爛左支咪，佢地要我賠錢比佢，但係搵左好多人都唔肯借...好彩有你昨...上黎先傾啦。」
就係咁，我未答佢就比啊靜拉左上去，一邊行一邊諗，究竟「你地」係有咩人係到？
上到一間K房門口，一睇到入面房既人.... 「今次仆街啦」
一睇到入面既人，唯一識既人就係啊靜同埋坐埋左一邊既啊喬。其他男男女女我就一個都唔識，但係我認得出係同校下午班既同學黎。啊靜同我講返原來佢地下午班搞緊一個生日派對，走之前就比個職員話整爛左支咪，要佢地賠錢。於是啊靜就打比我。
呢到入面啲男個個對我都有一種仇視既目光。當時淆底下，我拎左二百蚊出黎比啊靜就想走，但係當我比左錢啊靜既時候，啊靜就係眾人面前做左一個唔尋常既舉動。
啊靜：「多謝你呀，啊傑。」講完呢句啊靜就攬住左我
比自己鍾意既人攬住理應係開心，但係我望到後面班MK仔望到啊靜攬住我就想開拖咁，得啊喬望到呢個畫面係到偷笑。我推開左啊靜之後就跑住落樓，即刻行返屋企。
當我行到一半，就收到一個啊喬既信息 「得米啦你」
但係，邊個會諗到，今日既我做左好人，但係聽日已經做左全世界既公敵。
第二日返到學校，就比下午班一大班猛男捉左去操場一啲無人睇到既地方，係比人捉手捉腳既情況下只係聽到佢一部分既對話。
A：「佢溝啊靜，打尻佢啦」
B：「死肥西溝我地校花」
聽到呢班仆街咁講，我已經知道發生咩事，一睇呢班仆街就知因為琴日因為啊靜係佢地面前攬我，佢地先咁樣捉住我。
我：「大佬，你地想點啊」
呢班仆街都未答我，隻手已經做左一個千年殺既手勢。我心諗「唔撚係掛」 點知呢班仆街真係大大力插入黎，比人千年殺完企都企唔穩，成個人坐左係到。
班仆街：「以後咪撚玩女人啊」
我屌，咩撚野玩女人啊，擺明係佢攬我啦，仲要比人誤會，又要千年殺。比人強暴完之後，我就一直痛到放學。放學果陣想返屋企休息下個時，係學校附近突然比兩個人禁住左埋牆。
我：「又做咩啊」
佢地：「屌你，玩感情」
我：「做咩撚...嗚啊」
我未講完，又比人爆多一次菊花，係今日比人梅開二度既情況下，已經無力反抗，又坐左係到。
「起身啦屌你」 我回頭一看，竟是兩個女生