在夢境與少女相遇後有壞人殺死了我: 第07章 (23)

「吓？春郎諗住帶埋導遊姐姐上船？」我問，不小心大聲了一點。
 
「導遊姐姐？」他問。
 
「頭先我出去嗰時，遇到春郎船長。嗰時佢身邊有條女，係本地人黎，我地都叫佢做導遊姐姐。」我用氣聲說，「你都係繼續講啦。」
 
「哦。」日來晴點頭，繼續說，「頭先你比警衛捉住之後，我就跟住藍藍母女落船，睇下有咩可以幫手。」
 
「點知見到藍藍半威脅半請求咁，求船長帶佢地上船。」
 


「跟住車上既靚女姐姐，講左啲野，就比左兩套水手服佢地。」
 
「佢地換完之後，幾個人就從職員通道登船。即係乘客登船口隔離，近船頭既另一個登船口。」
 
「真係多謝晒佢。」我感激地說，「咁依加佢地係邊？」
 
「你講既導遊姐姐梗係係船長間房啦，但藍藍母女既住宿就……差少少。」他吞吐起來。
 
「即係係邊？」我問。
 


「佢地住係三等艙最低嗰層。」
 
「三等艙？」我沒什麼印象。
 
「少爺你唔知係好正常，因為我地上船後，都冇乜見過三等艙既人。」
 
「三等艙既人，基本上係唔可以上黎，上面既樓層都係佢地既禁區。」
 
「咁藍藍依加點？」我問，「三等艙最低嗰層係咩黎？佢住得好唔好？」
 


「從登船層落去，係三層既三等艙，裡面住既人比頭等、二等加埋再多一倍，算係品流複雜既窮人區。」
 
「嗰度既服務生，係一對幾十乘客，同頭等、二等有時幾個服務生服待一人既情況完全唔同。」日來晴繼續說。
 
「但正因為服務生少、警衛少，所以藍藍留係嗰度會冇咁易比人發現。」
 
「原來係咁。」我安心地，又若有所思。
 
「知唔知，隻蛋佢係點整比你？」日來晴問。
 
「唔知，你快啲講。」我催促。
 
「三等艙再落一層，就係引擎鍋爐區，裡面有好多煤炭工人。佢地有部分，係住係三等艙最低嗰層。」
 
「當佢地見到藍藍之後，就即刻請左佢去廚房幫手，所以藍藍咪有機會整野食囉。」


 
「廚房？」我追問。
 
「唔係煮比你地班大少食嗰間，嗰間有大廚、二廚，仲有超多員工。佢只係係煮比煤炭工人嗰間小廚房度做咋。」
 
「吓……咁咪會好辛苦囉，仲要成日對住班大男人？」我憂心仲仲。
 
「依加佢點，佢訓左未？」我再問。
 
「唔知啊，引擎鍋爐區係日夜都要開工，佢可能訓左，又可能煮緊下一餐。」日來請若無其事地說。
 
「我要去見佢！」我著急地說。
 
「講真？比人發現既話，好大件事架喎。」他問。
 


「真，絕對真。」我堅決地說，「有冇咩方法，可以帶我出去？」
 
「叫聲晴哥先。」他說。