在夢境與少女相遇後有壞人殺死了我: 第07章 (22)

深夜，「咳咳……咳咳……」，氣溫好像下降了。
 
「咳……」還是我虛弱了？
 
日來晴出現在我的房間，把冷掉的晚餐收起，換上新一批食物。
 
「少爺，食野喇過黎。」他說，把唯一一碟食物，放在茶几上。
 
其餘的舊餸，都放上餐車，然後推到一旁。
 


「咩黎？」我問，在地上，翻開被子，「但我……唔想食野。」
 
「你唔食會後悔。」日來晴說，堅持扶我到梳化。
 
他把銀色圓形餐蓋拿起，亮出一隻包裝精美的、用紅色玻璃紙包住的「蛋」。
 
蛋的外圍，還有粉紅色鍛帶，打了一個蝴蝶結。
 
「紅雞蛋？」我問，碟上無其他食物。
 


「復活蛋。」日來晴說，「前幾日復活節，廚房有一啲蛋剩低，啲基督教、天主教徒，鍾意染紅雞蛋，送比親人朋友，紀念耶穌基督復活。」
 
「咁點解哩隻唔係染，而係包住架呢？」我問，「仲有咁係咩意思？想我復活？唔比我死？」
 
「食左先啦你。」日來晴說，「放心喎，你要絕食、要死，一隻蛋救唔到你幾多，係遲少少架啫。」
 
「總之，打開佢先。」他抓住我的手，把蝴蝶結解開。
 
左手、右手，把紅玻璃紙打開，露出中間的雞蛋。
 


「成粒啪落口。」他提議。
 
「有咩陰謀？」我拿起雞蛋問。
 
「總之，成粒啪落口。」他催促。
 
偏偏，我只咬一半，留下一半。
 
——發現蛋黃內有藥丸。
 
「妖。原來係狗招，引我食藥。」我鄙視地說，把雞蛋吐回，放回碟上。
 
「日來晴，估唔到你係啲咁既人，我對你好失望，唔想見到你，你走。」
 
我一口氣說，想推開他，卻沒有力。


 
「冤枉啊，我幾時有掂過你啲藥？你個藥物箱，比你掟左過去之後，一直放係嗰度。」他無辜地說，搖指一個遙遠的角落。
 
「咁啲藥？」我猶疑地問，再看一眼雞蛋，的確是我很熟悉的那些藥。
 
「你係咪……偷偷地，將啲藥……比過咩人啊？」日來晴笑淫淫地問。
 
「你笑得好樣衰。」我直接說。
 
「你答左我先啦。」他繼續淫笑。
 
「我係比過一個女仔，叫藍藍，咁點丫？」我說完，已經驚訝起來。
 
——瞳孔放大。
 


「啲藥係佢比既？隻蛋係佢整既？佢仲係船上面？」我立即追問，雙手抓住他肩膀，不停前後搖。
 
「係啊。」他若無其事地答。
 
「係乜野啊？」我問，繼續搖。
 
「係佢比，定係佢整，定係，佢仲係船上？」我問。
 
「都係啊。」他再答，放鬆身體地搖著。
 
「點解既？」我欣喜若狂，又收斂起來，單手抽住他衣領，「咪住先，你冇呃我丫嘛？」
 
「冇啊，少爺。」他平淡地答。
 
「好，咁你講啦。到底咩事？點解佢係船度？明明已經比人趕左落船。」我鬆開手，準備仔細聆聽。


 
「想知？」日來晴問。
 
「嗯嗯。」我坐好，點頭。
 
「食埋隻蛋，再叫聲晴哥先。」
 
「晴哥！」我左手拿一半，右手拿另一半，齊放口中，再叫多次，「晴哥。」
 
「又唔洗咁大聲既，比出面啲人聽到就唔好啦，話晒，陣間講既野係高度機密。」日來晴搔搔頭，有點不好意思。
 
「講啦咁。」我用氣聲說。
 
「咁就要由藍藍母女落船之後，見到春郎 ‧ 不覺曉船長，載住一條水手裝扮既靚女姐姐返黎開始講起。」