在夢境與少女相遇後有壞人殺死了我: 第07章 (9)

「冇……冇人啊，肯定係你聽錯。」我眼神閃躲，抓住被子的雙手，用力包緊薇薇。
 
現在，我的胸前，伏著一個紅色捲髮的少女，她身材嬌小，正努力貼伏著我，不讓外人察覺。
 
她的臉部很暖，暖熱了我的胸口。
 
同時，我的背部，也被一個溫暖的少女靠住。她的長頭髮留得很自然，身上更有一種特別的香氣，吸得太久會催人放下理智。
 
兩人一前一後，我的胸和背都熱了起來，被窩裡兩女一男的情況，應該很被旁人羨慕。
 


可是，我面前的旁人是他——我的老爸。
 
「可能真係我聽錯啦。年紀大，耳仔開始唔醒目。」
 
如果他現在把訂婚背後的動機說出來，薇薇聽到之後，肯定會受到刺激。
 
而且，這些事也不應該被外人聽到。
 
所以！不可以讓他有說的機會！
 


「仔，我想講……」老爸欲開口。
 
「唔洗講喇，我係唔會原諒你。」我直接拒絕，瞄向門口，「請回啦。」
 
「仔，你今日唔原諒爸爸，爸爸係唔會走。」老爸固執地說，眼神前所未有地堅定。
 
「作為咁多年黎唔係屋企既補償，今晚，至少比爸爸盡一次父責，留係度照顧你。」
 
聽了這話，前後兩人共四隻手一同捏痛了我，特別是胸前兩顆乳頭。
 


「我原諒你。」痛得眼淚直流。
 
「你突然咁感動，爸爸覺得唔知點算好添。」老爸害羞地來。
 
「早啲休息啦，公司好需要你，你唔可以病。」我忍著痛說，「何況，你仲有個好大既航海夢，等緊你返去發。」
 
「咁又係。」老爸準備轉身，「而且過幾日就係你訂婚既大日子，好多野要安排，我更加唔可以病。」
 
「係囉，請回啦。」我微笑歡送。
 
「你真係唔怪爸爸？」老爸臨走前問。
 
前後共四隻手準備再次發力。
 
「唔怪，一世人兩父子，我唔會怪你既。」我說。


 
「咁我地攬一攬，從此和好如初。」他走過來，張開雙手，想擁抱過來。
 
「你唔好行埋黎！」我迅速警告。
 
「點解？你……唔原諒爸爸嗱？」
 
前胸後背再被捏住，我再度流淚。
 
「唔係，我只係覺得……保持距離咁望住既爸爸，係最型。」
 
「我唔想破壞左哩一個距離既美好，所以，你都係唔好過黎，早啲番去休息啦。」
 
「咁冇辦法啦。」爸爸說，退後幾步，去到門外，「我間房就係對面，你有咩事，都可以過黎搵我。晚安，仔。」
 


「晚安，爸爸。」我淚眼雙送，看著他把房門關上。
 
「咔嚓——」
 
「呼……」終於送走一個。
 
我鬆開薇薇，讓她從被子出來，接著雙手再抓被子包住自己，只露出面部。
 
藍藍仍在背後，靜靜地靠著我。
 
「你……有咩想講？」我問，「其實依加都夜，又驚有人過黎，不如聽日先傾啦，好唔好？」
 
萬一連紅毛都走上來的話，情況肯定陷入不能挽救的地步。
 
「加上早訓既話，皮膚會好啲，過幾日訂婚既時候，先會靚靚。」我逗著她說。


 
「嗯……」薇薇點頭，「今晚打攪晒，唔好意思。」
 
「唔緊要，聽日見。」我說，準備送別。
 
「其實！」她衝口而出，又望過來，「聽日部船會係愛爾蘭昆士敦港口停泊一段時間，不如我地兩個……落船行下？」
 
「聽……日？」我在思考，如無意外，應該也是長期留在房間。
 
「愛爾蘭好靚，有個地方我好想去。」她誠意地說。
 
「聽日先算啦不如。」我婉言拒絕。
 
「聽日……哦，咁好啦……」她失望地說，打開房門，「唔阻你休息。」
 


「晚安。」我語聲贈別。
 
「啪——」可是門已被關上。
 
人們總是匆匆出現，又匆匆地消失。
 
房間內只剩下我和藍藍。