在夢境與少女相遇後有壞人殺死了我: 第07章 (8)
「前面沒有人，她在右邊？」我望向右邊。
走廊站著一位少女，她皮膚很白，黑色頭髮以自然的弧度披落胸前。
焦急的她，穿著一件樸素的淺藍色長裙，腰間有薄薄的白色腰封。
突然，「咔嚓——」她面前的房門打開了。
一個中年男人，一個中年發福的男人，摸著肚腩地望著她。
「請問你係咪……伊仁醫生？」少女緊張地問。
「我係，咩事呢？」中年男人答，正穿著醫生的黑色西裝。
「我媽媽佢咳得好嚴重，之前既藥已經食晒，船醫又冇啱用既藥，你可唔可以幫我睇下佢？」少女懇求地問。
「我今日唔做生意，係咁啦，拜拜。」中年男人準備關門。
「我會比診金架，你幫我睇下佢啦，一係我買藥丫！」她慌忙拿出一張藥方，「你有冇上面哩幾隻藥？」
「你究竟明唔明，我唔會同窮人睇病。」
「點解？」少女上前一步追問。
「講白啲，就係覺得你地又臭又污糟，真係唔好搞我。」中年男人嫌棄地說，「比診金？就算你賣埋身都唔夠啦。」
「我地住二等艙，又唔係三等艙，同你地只係相差一級，你洗唔洗咁講人啊？」少女不服氣，「而且醫者父母心，應該不分階級咁救人先係。」
「二等艙、三等艙咪一鳩樣？」中年男人說，「總之我淨係幫貴族級既人睇症，係咁啦。」
「服務生，快啲趕佢走！唔好比佢再拍門，再係度嘈生晒。」他關門前再警告，「唔係我就去投訴你，同埋妳。」
「啪——」房門就此關上。
「咩名醫！不知所謂，見死不救！」她拼命地想再敲門，拳頭卻被服務生捉住，無從敲下。
但她想了一下，又放軟了語氣。
「開門，求下你，我好需要藥。」少女哀求，「媽媽再咳落去，我驚佢支持唔住。」
隨即，連嘴巴都被該名服務生掩住。
「咳藥？」我想了一想，看看那被放在地上的藥物箱。
剛才吃飯後，拿取幾粒藥丸時，發現醫生準備得有點過份地多。
或者我可以幫一幫她，還有就是，覺得那個服務生和所謂名醫……
實在太猖狂！逼我無名起火！
我戴上口色口罩，敲敲自己的房門。
「叩、叩。」
服務生看見我後，十分在意，特別是我叫他帶少女過來的手勢指示。
少女也有點緊張，因為被一個戴口罩、全身用橙紅被子包住的怪人，看著並叫過去。
我也在想，這種出場方式是不是太怪異。
可是在她被押過來的時候，四周漸漸出現一種香氣，打斷了我的迷思。
香氣從鼻裡滲入，讓人神往，這絕對是今日中午登船時嗅過的味道。
莫非……是出自於她？
說實話，這令我增添了對她的好感。
「服務生，放開佢。」我清晰地說出六隻字。
「少爺，但佢……」服務生不願服從。
「你有三個選擇。一、放開佢。二、你自己跳落海。三、我搵人掟你落海，再補兩槍。」
「對唔住，少爺。」服務生馬上鬆手，選擇了一，匆匆退下。
「你叫咩名？無事丫嘛？」我問眼前這位楚楚動人的少女。
「唔該晒你。我叫藍藍 ‧ 茱麗葉，但我依加要走喇，因為我要……」
「搵藥丫嘛。」我接著說，把房門拉到最開，「入黎先，我有藥。」
原來這個人，叫藍藍 ‧ 茱麗葉。
不知道原因，看著她，我就有點心跳加速。
「你真係有藥？」藍藍有點猶疑，直至我打開地上的藥物箱，才敢走進來。
然而，房門只是半掩，沒有關上。
「咳左幾耐？喉嚨有冇痰？」我問，包著被子，蹲在地上翻找著。
「咳左一個月，有痰。」藍藍在我身後答。
「痰係咩色？黃定白？」我迅速再問。
「少少黃。」她答。
「哩隻、哩隻、哩隻，同哩隻，應該都有效，你攞幾粒番去啦。」我站起，轉身面向她，手從被子中伸出來。
「你係醫生？」她接過不同大小的藥瓶，專心地，想要每種取幾粒。
「我……只係……」我只是資深咳嗽病人。
突然，走廊貼近門邊，有人走近並開口說話。
「程強，你訓左未？」薇薇說，慢慢把門推開，「關於訂婚，我想同你傾下。」
「服——」我極速把被子翻開，再收回來，把藍藍藏在背後。
「丫。」她驚訝。
「噓，唔好出聲。」我對藍藍說，再笑面迎向門口的薇薇，「未訓，但都就架喇……」
薇薇站在門前，身上穿著一件米色格仔大褸。
「你搞咩？無啦啦戴口罩。」她問。
「我搞清潔，覺得間房……大塵啫。」我心虛地解釋。
「咁你，做咩包住張被，仲要連頭都包埋，好凍咩？」薇薇伸手想碰。
「我凍！係啊我凍。」我選擇承認，縮一縮不讓她碰，「其實你咁夜黎，有咩想傾？」
「你知啦，孤男寡女共處一室，比人發現就唔係咁好。」我說，想打發她走，「不如，聽日先傾？」
「我覺得你唔想同我訂婚。」她低著頭說，心情低落。
藍藍在背後貼著我，抓住我的衣服，似乎有點緊張。
「做咩……咁講？」我問。
「睇你個樣就知道唔想。」她說完，若有所思。
「其實……你係咪覺得我太細個，所以唔想？」她鼓起勇氣，一口氣說，「其實大人做到既野，我都做得架！」
左右手，解開大褸，裡面是吊帶紅色絲綢睡衣。
藍藍抓我衣服的手，立即用力了一點。
「你指……既係……」我目光四遊，不好意思說。
可是，再次突然地——
「乖仔，關於今日既事，我想同你道歉。」老爸的聲音從走廊傳來，他的步伐也快將到達。
「死，唔可以比人知我夜晚偷偷黎搵你！」薇薇神色慌張，左右兩望，決定衝上前。
竄進我的被子中，靠伏在我的胸前。
「包住我，唔好比人發現！」她用氣聲說，盡量貼住我，不讓被子隆起。
老爸站在門口，一臉疑惑。
「頭先係咪有人係度，點解好似聽到有人講野？」他問，眼前十分奇怪的我。