【躲在衣櫃?很久了...他發現我了嗎...】: 5-夢

接住落嚟，
我知道我要清楚了解，
自己而家可以做啲乜。

我唔知過左幾耐。
一啲時間觀念都冇，
個女仔已經走咗。
留低我一個係十字路口既正中間，我知道好危險啊，但係我自己都諗唔明，點解我竟然唔怕。反而覺得好平靜。後來，我企左起身，我覺得我再無其他野可以做。既然連俾車撞我都唔怕，點解要怕返屋企？

拖住搖擺不定的腳步，




我慢慢行左返屋企。
到咗屋企，
大門依舊緊緊關閉。
唯一不同嘅，
係門下空隙既影，已經唔見咗。

我細細力拉下手把，
度門開咗。
而我亦施施然咁入咗去。





已經冇咗頭先嗰種恐懼。
我去廚房攞左把刀，開始將成間屋搜查一遍。

咦，
根本無人。
頭先起門外發出左少少聲音，應該已經將入侵者嚇走。

之後我再冇心情慶祝生日。
只好將門鎖好。然後入房。





呢一晚，
我發左個夢。

夢入面，
我見到我一生最愛嘅男人。
佢拖住左一個只有佢一半咁矮既女仔。佢嘅左手揸住一隻戒指。佢回頭，佢問咗我一個問題。然後佢雙眼冒出一線一線既紅筋，更流出一行行紅艷既鮮血。一瞬間，佢突然倒地。地上既血灘範圍越來越大，而佢旁邊個女仔即刻向我跑黎。

係短短的幾秒入面，個女仔剩下只有一米左右距離就掂到我。我見到佢面目猙獰，眼神閃出一絲絲詭異，血紅既口中大叫“還翻爸爸比我！還翻爸爸比我！”

“呀！！！”
一聲尖叫後，
我發現自己比自己嘈醒咗。

仆街，點會發個咁嘅夢，
我個心起伏不定，




仲受緊好大嘅驚嚇。

或者，
嗰件事仲未完。
而且，佢應該有個了結。