【躲在衣櫃?很久了...他發現我了嗎...】: 4-十字路口

原本緩慢嘅步伐，
慢慢變急、變快，
而係呢一瞬間，
我感覺到一隻冰冷既手，
輕輕咁，搭住左我膊頭。

我全身變得僵硬，
起呢個寒冷的冬天，
我塊面卻驚到微微發燙，
雙腳不由自主咁顫震。





係呢一刻，我係到諗，如果我真係就咁有咩三長兩短，世界上仲有冇人會留意到我嘅消失，有冇人會為我流淚，有冇人會渴望我回到佢哋身邊...

諗到呢度，我嘅眼淚已經誠實咁答左我。自從離開左佢，已經無人會再記得我既存在。

即使好想可以改變呢一切，我知道唯一嘅退路係轉身，睇下我仲有啲咩可以做。

雙手輕輕抹走眼淚，
我強忍着驚聲尖叫既衝動，
慢慢轉身。





而我終於望到搭我膊頭嘅人，係一個目測大約5歲，着住白色連身裙嘅女仔。佢擁有一對墨黑色、且深邃既雙眼，睇落空洞而木訥。眼神好似要將我吸走，然後碎屍萬段。佢既嘴角掛住笑容。同佢奇怪嘅眼神格格不入。
唔理佢咩樣，起呢個情況下，
我覺得有責任將呢個女仔安全妥置。

'殊...'我將食指輕輕放起雙唇前，示意叫佢唔好發出任何聲音。而佢，一直都好安靜咁企左係度。
我個腦一片空白。
我唔知可以做啲咩，
我就靜靜咁企左係度，
同個女仔維持住同一個狀態。




一分鐘，
兩分鐘，
三分鐘，
四分鐘，
突然，女仔舉起手，用力咁扯住左我嘅右手，轉身拔腿就跑。我完全意識唔到發生咩事，只能夠跟住佢跑。

一路跑，
一路跑，
跑到一個十字路口，
一個好普通嘅十字路口。
平時有源源不絕嘅車經過，
而家，一架都冇。

唔知點解，
我個心泛起一陣揪痛。




然後個鼻好酸，
雙眼慢慢變得模糊，
一滴嘅液體從我塊面滑落，

“滴”

一滴眼淚滴落凹凸不平嘅地面。
係呢個寧靜嘅夜晚，
聲音變得格外清晰。

接住落嚟，
我知道我要清楚了解，
自己而家可以做啲乜。