【躲在衣櫃?很久了...他發現我了嗎...】: 6-屋外？屋內？

發左一個咁可怕既夢，
我已經再訓唔著。唯有行到浴室，放一缸熱水，好好浸個浴。
希望可以忘記恐懼。

企起浴缸前，
我默默褪去身上每一片衣物。
眼望住肚皮上既疤痕，
眼淚又再起眼眶打轉。
點解？點解要忘記過去都咁難？





突然諗起五年前發生既事，
我開始自責，
我估，
都係因為呢件事，佢地想報仇。

我記得昐哥哥係我師兄。
一直一直，都係我暗戀佢、追求佢。佢上完每一個課節，我都會買定佢愛食既糖，企起課室門口等佢。
從來，佢半推半就咁接受呢啲野，完全冇同我親近多半步。
直至有一日，
佢同佢女朋友分左手。佢好唔開心，一路喊，一路行翻屋企。




見到佢咁，我個心好難受。我一邊起後面跟住佢。

終於，佢發現左我，
久久未得發洩慾念既佢，
突然變左一隻兇殘既野獸，毫不留情咁推倒我，扯破我身上每一件衣物，無視我既尖叫、抗拒，狠狠地進入左我身體。黏稠既精液混和點點血紅，我已經泣不成聲。我估唔到，佢唯一一次願意同我親近，只為發洩淫慾。

接下來三個星期，昐哥哥聯絡過我好幾次。每一次，都係搞完野就講ByeBye。我唔知佢究竟愛唔愛我。但我愛佢，所以我接受一切。同時亦憎恨自己只有洩慾既利用價值。

之後，我無再同佢聯絡。我唔想令到美麗既愛情變得如此低賤。更重要既係，我對佢已經無左嗰種迷戀。





到我月經無再出現，
每食少少野就想嘔，
個肚會突然好痛。
我知道，我有左bb。

起醫院檢查左好幾次，份報告都係寫我懷孕。我絕望、我後悔。我默默走到昐哥哥屋企，淡淡講左句'我有左'。正想同佢講我想落左佢，昐哥哥竟然笑住話:"真架？太好喇！"然後佢開始興奮咁想像我地未來既生活。我冷笑，只覺得佢不切實際。

唔係無情啊。我根本未準備好。
我無錢、我未玩夠、我唔鐘意湊仔
重點係，我唔再愛昐哥哥。

我決定要結束一啲野。