那些年，當香港仲係百鬼夜行既時代: 8. 鎖羅盤VI – 天屍鬼

當我見到無相師叔直挺挺咁訓係地下時，我當下尤如五雷轟頂，腦中一片空白。 「你師父...同...同我一樣...困左係打...打牆鬼既結界...咳咳...你拎埋我啲符...快...快D去救你師..師父...咳...小心食屍鬼D屍氣...」無相師叔講完，頭隨即一歪，一動不動。我用抖動既雙手，放係無相師叔既鼻底下。無左氣息。無相師叔佢經離我而去。我沉重地放下無相師叔仍有餘溫既身體，恭敬地叩左三個響頭，「放心啦師叔，我一定會殺死劉伯溫!」 我企返起身，淚珠不由自主地從臉上滑落，我諗起無相師叔點教我畫符，比我睇佢點製符，一齊去台灣玩...實在太多回憶啦...我實在唔敢相信無相師叔就咁就離開左我地。 唔得!我唔可以咁!我仲要搵師父，幫佢殺死劉伯溫!我強忍傷心，繼續踏上我搵父既路途。我拎走無相師叔比我既符，點算一下我有幾多打鬼彈藥。四張真紅火符，六張冰藍水冷符同七張綠光幽木符仲有兩張頑金符。以我依家既修為，我只能夠用到真紅火符，冰藍水冷符同綠光幽木符，因為要用到頑金符，我就必需要請神上身協助。問題我請神術只係比我既陣法學好DD。請次神分分鐘要成個字。但係用其他符我就可以唔使依賴天神，只需要有特制既符相助即可。 就係我邊搵緊師父邊度緊點幫師父手時，我就突然聽到一聲低喝。 「土生萬物，四方極土，九方土地，鎮守大地!震!」係師父把聲! 我循聲而至，只見師父滿身傷痕，頭髮凌亂，左手持有一把同我一模一樣既桃木呎，右手就正甩出一張有些微反光既符。而張符飛去既方向就係劉伯溫個到。睇黎師父都破到打牆鬼既鬼掩眼。 我一見到劉伯溫，我又諗起師叔慘死既樣，不禁怒火中燒，失去理智。 「五行有道，無物自燃，神火天焚，惡鬼盡退!燎!」我連甩出兩張真紅火符，使出我最得意既絕活，天火咒。 「哎呀，你個徒弟都黎左喎。本身我見佢天資優厚，想傳佢一招半式，可惜竟與我為敵....天屍鬼!擋咒!」劉伯溫一聲令下，佢身旁隨即有一個人形黑影閃身飛出黎。個黑影面上只有一個洞，無眼耳鼻，而且面上盡是爛肉，令人感到十分之噁心。 但係我有咩噁心野未見過?普通既鬼都有全身潰爛之士，尤其是農曆七月，鬼門關大開，困係地獄中既惡鬼都可以上黎人間，佢地飽受地府中唔同既地獄所折磨，有啲隻手只係得返一絲既肉連住身體，有啲個頭就比人削左一半走，有啲就個頭可以360度旋轉不停FING，因為連接佢個頭同佢既身體既個截骨已經碎左。 但係，呢隻天屍鬼亦有令我震驚既地方。普通既鬼一比我既天火咒接觸到一定會化作白煙，但係佢竟然可以先用兩隻手臂擋下我後發而至既兩發天火咒，及後再擋師父所使既地縛咒，完事後，仲可以安然無恙咁行返去劉伯溫既身邊。 

天屍鬼...咩係天屍鬼!?點解可以咁厲害，擋下由真紅火符加持過既天火咒!?