那些年，當香港仲係百鬼夜行既時代: 16.再戰達德I – 人蠱

係我嘔到唔清唔楚既三日之後，我又再一次踏入達德小學，準備再次面對阿頌同阿讚兩個人，不過今次唔同既地方，就係有師父助陣。 「好大霧。」我低聲同師父講。 「結界未散。」師父輕聲回應我一句。 「呵呵，你地又黎啦。咦細路，帶埋師父黎添呀?」阿讚係黑暗中行出黎，而阿頌就緊隨其後。 面前既阿讚就好似一個普通老人咁，身上無蟲，條頸無傷口，同之前既佢完全係兩個人。不過我望住無穿無爛既阿讚，我唔覺得驚訝，因為眼前既事物正正應驗左我同師父既推測。 「估唔到，呢個世界上仲有識整人蠱。」師父冷冷望住阿頌開口。 「嘻，比你估到啦。人蠱唔難整，點操控佢先難。」阿頌笑一笑，踏前一步，撫摸住企係佢隔離既阿讚。無錯，個阿讚本身已經死左，佢只係一隻人蠱。 人蠱，顧明思義係由人形既蠱。制成人蠱既步方法有好多，例如湘西趕屍一族識整無毒人蠱—即係殭屍，雲南蠱族自然都可能會識。人蠱制作方法好簡單，佢地只要將屍蠱放入屍體入邊，等屍蠱食哂入邊既內臟，肉，血管等，咁就大告成。人蠱既活動係靠由無無數既屍蠱協作，例如蠱師想人蠱隻手遞高，咁佢只需要操縱屍體手入邊既屍蠱，要佢地飛高，咁人蠱隻手就會遞起。 咁既然呢個阿讚已經死左，點解佢仲識用降呢?唯一一個解釋就係，控制佢既阿頌本身就係蠱降師。 「既然係咁，我就斷唔能夠比你再留係到。」師父木無表情，就好似一尊佛像，不過係一尊準備屠殺既佛像。 阿頌咀入邊唸唸有詞，阿讚開始移動，而蠱蟲亦都蜂擁而至。 「師父，我黎對付個人蠱!」我抽出三張紅色既符。呢張符係師父係屋企搵到，聽講係其中一個師叔特制既。 師父點點頭。然後抽張符咒，結起手印，「陽照大地，掃污滅垢，五行無上，奉火至尊!敬請日宮太丹炎光郁明太陽帝君!」 我見師父都出手，我當下都集中精神，迎戰人蠱。 人蠱既速度十分快速，三步併作兩步，好快我已經同佢只有十步唔到既距離。我手上既符有師叔既法力，又比朱砂浸過，所以只要一貼上任何不潔之物身上，佢地都一定會被陽火所傷。所以我要做既野好簡單，就係將張符貼上隻人蠱身上。 我一邊同佢對恃，一邊諗點樣先至可以唔好比佢D蠱蟲掂到。我唔係怕蟲，只係我只一比佢掂到，阿頌就可以對我落降。上次既戰鬥時，阿頌就係用咁既方法黎落我降。個D乜鬼飛頭蠻有我既精氣，所以可以落我降其實都係大話。D降真係唔講得少，所以我今次真係要小心。 我再次係身入邊拎出一大堆符紙。再向天大力一灑。 「老土招數!邊個唔知你呢招係障眼法!」阿頌大喝一聲，再次驅動人蠱進攻。 「五行有道，無物自燃，神火天焚，惡鬼盡退!燎!」