那些年，當香港仲係百鬼夜行既時代: 14. 達德小學XIII – 逃脫

血降....?我睇過唔少古藉，佢地都不約而同咁話近四五十年識血降既降頭師都應該死哂，因為修血降既條太苛刻，學到一半死既又有，施施下法死既都有。所以我聽到呢個詞既時候，我都確實吃左一驚，除左驚訝仲有人識，我都驚訝招降本身。招降可以話係幾乎逆天既咁強，只要降頭師願意犧牲自己既精血，壽元，咁無論同被下降者既距離有幾遠，佢都一定會中降。而且血降係只需要心中有被落降者既清晰既樣就可以用。 大鑊，阿讚佢又開始唸咒，不過佢唸得時快時慢，仲向前慢行，條頸仲不時滲出血水，將佢件佛布染到一片紅色。好，我就睇下係咪真係血降! 「咳!」佢又咳出一口血。睇黎佢食左我一記神雷火符已經受到幾重既傷下，結果，佢咒都未唸完，就跪左係我十步前地既下，好似無左反應。 咦，我係咪算嬴左?我望住一動不動既阿讚。

但係唔夠幾秒，佢竟然又企返起身，仲邁步向我衝過黎!如果就咁一個阿伯向我衝過黎，我諗我未必會咁驚，只係，佢身上唔同既地方竟然開始極速腐爛!有D洞仲有D蟲捐黎捐去!我靈機一動，好似突然諗到D野，唔通佢... 真係有啲唔對路!我向後急退，拖住雨瑤，「唔好理佢啦，我地走啦，我諗佢應該施法失敗死左架啦!」本身，我仲想摸清楚到底佢地兩係咩人，但係睇黎依家我可以全身而退已經應該要還神，返去到同師父再黎過，我一個人無可能搞得掂佢地。 「下點走呀!?黎黎去去都係間學校到走架咋喎...」 「唔係，結界已經無左，我地已經可以返去市區!點解頭先我地走唔到，係因為呢間學校附近死既人太多，怨氣太重，重到改變地運，帶左個結界出黎!唉，我一陣先同你詳解，走啦依家!」 「嗄嗄嗄...」阿讚依然一路追住我地，D蟲滿佈佢既路徑，而且都向我地呢邊極速爬緊過黎。我地跑左一陣，已經見到個大門口。我地無理咁多，我一手拉扯開門口既大閘，奪門而出。 阿讚同D蟲都只係企係門口到，無再追出黎。睇黎佢地可以係達德入邊活動，唔可以出黎。而個蠱師阿頌都無追出黎。 「阿一!有路呀!我地可以返去啦!」雨瑤好興奮咁講，我極目遠看，呵，原來達德同元朗市區好近，唔單止雨瑤，我都見到連綿不絕既路燈。

雖然我心中仲有好多疑問，但係我諗我都係同師父講好D，同雨瑤講盞又係嚇親佢。 「走啦，送你返去先。」我急步帶走雨瑤。 黑暗中，我只係聽到從背後達德傳出黎既空洞叫聲..... 「吼!!!!!!」