那些年，當香港仲係百鬼夜行既時代: 3.達德小學II -- 人頭

間小學呈「U」字形，我地由個底個個位走入去避雨。 學校入邊一片狼藉，似係已經荒廢左一段既時間。我仲見到有好幾道既窗已經搖搖欲墜，枱櫈東一張西一張，有D就橫訓左係地下黎，至於黑板上就寫住一大堆古怪既文字，可能係一啲入黎玩既飛仔寫既。但係D字古怪到有D令人驚，上面寫既似係一啲公式咁，因為有D加號係到。 屋企日久失修，有D雨水係屋頂滴落黎我個身到。 「瑤，過去個個角落頭坐坐先啦，場雨可能有排落。」 係我地坐低個時，我忽然聽到一啲操兵既聲。滂沱既雨聲中，呢啲聲顯得好細聲。雨瑤突然大叫起黎。「一!個邊有個人頭呀!」佢手指指住一個暗角位。 「人頭?足球下話?小學仲有一兩個足球架啦，我唔信校方連枱櫈都唔要但係又會去理個足球。」我滿不在乎咁循雨瑤既手指方向望。 我的而且確見到有個圓形既野。 唔係咁邪下話?真係有人頭!?我當下立即下意識抽出一張道符，用原子筆寫上一個咒語。 「五行神君，掃穢除魔，視之不見，聽之不聞，保祐吾身!障!」 「瑤，你拎住張符，我過去睇下，張符可以保護你，等D鬼睇你唔到。」我將張符比左雨瑤。個張符係障眼符，可以等D鬼睇唔到人，係一種另類少少既封陽法。 我膽粗粗咁執起一枝枱既腳，正所謂有咩依郁，渣住碌竹!竹就無啦，棍都好丫。 我亦步亦趨，準備接近個圓形物體...啪一聲!一隻窗因為收唔住大雨風既吹襲，跌左落黎。不祥既預兆喎...我望一望身後既雨瑤，佢縮埋係一個角落到，佢隔離就係一間課室既門，而個角落頂係無窗個D，至少我唔使驚雨瑤會比跌落既野整傷。 當同個圓形物體仲有十步既時候，天突然打起一個大響雷。就係因為呢度雷，我先得以睇清楚個圓形球體係咩黎。 足球。六號波。黑白間。同我平時踢個D一樣。我頓時放心哂，快步走過去執起佢。 「白痴!你睇下!真係足球黎架!你...」正當我另緊轉面同雨瑤講我既發現既時候，天又打左一記響雷。可借呢記響雷無令我有頭個種放鬆感，反而令我更加緊張! 因為我竟然見到雨瑤既膊頭上邊，有個人頭伏左係到，露出參差不齊既牙對住我笑!