那些年，當香港仲係百鬼夜行既時代: 19. 中陰身

塊鏡無咩改變。依然都係一面銅色既鏡。

 「師父，係咪真係得架?」我滿頭問號，始終我未見過師父封鏡。師父無出聲，示意我拎塊鏡黎睇下。

未知你地有無試過拎起塊鏡照但係又見唔到自己既經歷，呢個經歷係好詭異，好似個頭180度拎轉望自己身後咁。真係唔見左自己，師父真係封左鏡。 「拎返黎啦，我依家去照隻鬼出黎。」師父語氣好似係求我比返佢咁，但係其實佢只係知會我一聲佢要拎返，下一秒佢就一把搶返塊鏡走。 對於師父咁既行為我都見怪不怪，所以都無點。師父拎走左塊鏡之後就向個神像前個樽行過去。 「一仔，你知唔知點解隻鬼可以分一魂兩魄出黎而佢又可以自由活動?」係喎，點解既?死左既人應該只係會得返一魂兩魄留係人間，其餘兩魂五魄應該落左地府。 「因為佢本命未死。見唔見個樽入邊D野?」師父都知我答唔到，所以佢都係指下樽。個樽就大約有可樂樽咁高，細心一睇，原來入邊裝住一條好細條既屍體。 「嬰靈!?」我嚇到向後退，手震震咁指住個樽。 「嬰?隻鬼咁高咁大年紀仲嬰!?佢個個狀態其實係叫做中陰身。中陰身就算係佢人間既過渡期，人間既一魂兩魄就係中陰身既基本。佢死前應該係封左身，所以佢可以帶住三魂七魄留係個到。」 我諗左一諗，覺得有D奇怪:「唔係喎師父，咁佢應該可以同D孤魂野鬼一樣周圍走架，佢可以一路追住我地，殺哂我地架。點解佢要留係嘉賢臺唔肯走呢?」 「中陰身同孤魂野鬼唔同，中陰身係一個過渡期，正常中陰身只會有一魂兩魄，佢係特別情況。而中陰身係指個人死又未得哂，仲有一小口氣陽氣未嚥下既情況，孤魂野鬼係死左唔肯入輪迴姐。佢係唔可以離開本命太遠，唔係就會煙消雲散。所以點解佢要留係個到。」 哦明哂，條屍就係佢本命，佢未死直既，所以有前世既記憶法力等。但係仲有一個疑團。 「咁師父...」我決定問一問師父。但係豈料師父已經照緊隻女鬼，準備鎮左佢。 「哼，我御鬼門既職責就係要收魔度妖，你係第一隻我要鎮既惡鬼!」 我望住鏡中既反射。當然見唔到師父同我，但係都唔見隻女鬼。師父好有耐性咁慢慢將面鏡向左移動。終於，我地見到隻女鬼企左係屋既一個角落。 「我恨!竟然讓你們兩個反賊給抓....!」女鬼心有不忿，抓狂大叫起黎。 師父都唔等佢講哂成句野，就面鏡遞埋去。隻女鬼就係咁比佢吸左入面鏡到。 「呼，收左啦終於。阿一頭先你想問咩?」 無錯，頭先我仲一個問題想問師父。「師父丫..你唔覺得有D怪架咩?佢無啦啦比人封左係到，唔通清朝既人佢地想等東山再起?咁佢地如果有機會東山再起，又會有邊個復活返佢地?」 「呵呵，為師一早問過佢啦。佢只係話大清未輸，慈禧太后派佢黎廣州等，點知一等就十幾年，到隻女鬼死個時，慈禧都未黎。咁佢就搵左一個道士幫佢封身，等佢死後可以準備以鬼兵殺退八國聯軍，迎接慈禧。」 隻女鬼又使唔使咁等呢?八國聯軍攻入北京既之後十幾年...中國應該立立亂架囉...仲等... 唉，舊時王謝堂前燕，飛入尋常百姓家....