那些年，當香港仲係百鬼夜行既時代: 3.拜師

三日之後，宇文將真係親自上門。我阿爸阿媽都唔係到，因為個陣時係晏就黎。 「拜師呢家野好求其既姐，去倒杯茶，跪低遞比我就可以架啦。」 我依佢既說話，拿拿臨拎杯茶出黎。 出到，我就雙手奉上杯荼比坐係梳化上邊既宇文將，口震震咁講:「師...師父..飲茶!」 宇文將隨手接過我杯茶，抬頭一飲而盡。 「搞掂。行啦，去拜下你祖師爺。」 咁求其?我平時睇電視要三跪九叩咁架喎....雖然我係咁諗，但係我無咩點出聲。始終簡單D咪姐係煩少D。幾好丫。 「師父，祖師爺係邊?」 「義莊入邊。」 「下!?祖師爺就訓係義莊入邊!?御鬼門好短歷史架咋!?」一聽到祖師爺訓係義莊入邊我當堂嚇左跳，因為義莊只係放新鮮 既死屍，祖師爺放係入邊...咪姐係佢岩岩死!? 「跟我黎你就知啦。」宇文將笑住口咁叫我。 ....呢個就係祖師爺?我望住宇文將珍而重之咁係義莊間細房拎左張相，丫應該係畫出黎，然後指一指入邊一個男人就話佢 係祖師爺。 畫中男人唔高大，有D黑仔，畫中既佢仲帶住笑，不過係笑到依起哂棚牙成個傻仔咁。 「師父呀...」 「祖師爺真係咁既樣。唔使問。佢性格好隨和，好玩得。 上三炷香比祖師爺啦，再講埋自己個名，然後同佢講你係第幾代傳人...嗯...你係...第十一 代啦。」 雖然我信宇文將講既野，但係我始終唔能夠相信御鬼門竟然會係一個傻仔咁既人去創立! 無奈，我都係要跟宇文將所講既去做。 「祖師爺在上，我係第十一代弟子上官一，師父係宇文將，宇文師父。」 我最後都係恭恭敬敬咁鞠左三個躬，再上三炷清香比我呢個咁特別既祖師爺。 「哈哈，呢個祖師爺唔係一般人黎架!」 「邊有祖師爺咁架但係...正常黎講應該係仙風道骨，有D霧圍左佢架嘛...」 「睇電視睇上腦啦你!」師父大大力打左我個頭一下。望住祖師爺幅畫，續道:「你祖師爺真係唔係一般人黎架...」 師父好少會重覆講同一句野兩次，除非，句野真係好重要。 「咁佢係邊個??」 「全名叫賴風岡，亦叫先知山人，不過最多人識既外號應該就係...南宋一代國師賴布衣!」