那些年，當香港仲係百鬼夜行既時代: 4.銀行職員宿舍(嘉賢臺)

賴布衣，原名賴風岡，又號先知山人。係南宋一代神相，據說，佢係被宋欽宗流放到香港後而創立御鬼門。當年既香港係 一條極細小既漁村，村中又不時鬧鬼，所以賴布衣就用佢既知識去平定一連串既事件。到佢老年時，佢覺得自己可以靠傳 授徒弟黎繼續幫助平民百姓，於是就創立左御鬼門。道門「六甲法」，「九相奇陣」等都係由佢所發明。 「好啦歷史呢家等你讀多D書先再講啦，拿我同你講，書一定要讀好，法為次要。衣家呢個年代好少有人會重視法術...唉...神棍 橫行呀...」雖然師父睇得出我對祖師爺好有興趣，但係佢無再多講落去，反而開始向我訓話。 如是者....日復日，年復年，咁就過左五年。呢五年入邊，我順利讀到中學畢業，而且師父仲話供我讀大學。 除左課本上既知識增長左唔少，連帶道家上既知識我都學多左唔少。雖則威力強勁既符咒，請神，擺大陣我係唔識，但 係係屋企寫下平安符比老豆老媽子都幾有效。 1977年。我十九歲。身份有別一般十九歲既年青人既我，一樣同普通十九歲既青少年一齊出街玩。 呢日六點幾，我地一班畢業生就去左灣仔嘉賢臺既前身既地方燒野食。 個個地方本身係一間銀行既職員宿舍，但係因為十分偏僻，結果無人去住。過左十年，到左今日，基本上灣仔都無咩幾多 個人識呢個地方，個個怕有鬼有道友。但係基於我地班既一個男仔想追同班一個女仔而又無橋既情況下，所以我地決定 帶佢地呢個地方，準備扮鬼嚇下個女仔，然後等個男仔黎英雄救美。 「到啦，就係呢到。」同我一路都同班既黑仔一馬當先，拎住兩包炭，孭住個大背包衝左上去空置左既嘉賢臺。 同行有十個人，黑仔帶頭，我就係係隊尾，因為我女神，佢叫雨瑤，都係隊尾黎。我自然就跟住佢行。 當眾人魚貫穿過嘉賢臺入口既牌坊，我就覺得有D唔對路。 明明衣家就係夏天，就算夜晚都無理由會凍得咁緊要架!? 我左望右望，因為我知道，呢到一定有D野!但係我望左成十分鐘，我都見唔到有鬼或姐係有靈異野，無奈我唯有陪雨瑤一齊坐低。 「過黎啦一仔，起爐啦!掛住溝女!」黑仔起爐起到身水身汗，但係我就坐係到等食，講真真係有D唔好意思。 我接過黑仔手中既報紙，我煽風，佢點火。 「點呀你，撻個火機都撻唔著!」正當我抬頭笑緊黑仔連火機都撻唔著既時候， 我突然見到黑仔後面既宿舍大門，企左一個長髮及肩，雙眼流血，雙腳離地，面上似笑非笑既女鬼!