那些年，當香港仲係百鬼夜行既時代: 16. 東華義莊X – 完結

「劉伯溫，明朝第一國師。據說，當年朱元璋同佢死敵陳友諒係鄱陽湖互相對峙不下時，劉伯溫就提議朱元璋將自己老母 生葬係一處龍穴，係呀，生葬呀。佢話咁樣，先可以快發，姐係龍穴效困可以立即見效。最後朱元璋又真係生葬左自己老 母落去。十日之後，佢又真係以廿萬水軍打敗陳友諒六十萬兵，經此一役，陳友諒中箭身亡 ，佢既盟友張士誠都放棄左據 守湖北。就係咁，朱元璋就盡收湖北，翌年仲自立為王。」義莊張雖然一路盡力扮平靜咁講，但係從青筋暴現既拳頭睇得 出佢其實好嬲，好激氣。 「咁佢生葬人地老母姐，又唔係你個個，唔使咁激心喎張叔。」
 「咁天理不容既事佢都做得出，我恨我自己殺佢唔到呀!」又係砰一聲，義莊張又一掌拍落張枱到。 「佢已經吸食左唔少人既魂魄架啦，無輪係初死之人，未死之人....我由和合石追到鑽石山..再追到黎呢個...可惜!都係追佢 唔到...仲要比佢知我係呢到!唉，我又要追過啦。」 義莊張無啦啦望住我，「我唔可以再呃你地，至少我唔想再呃你，因為我有一件事想問你。」 「你呃我咩黎??」 義莊張望住我，我又望住佢。佢既眼神好似可以望穿人心咁，我有D心虛，始終我壞事都做左唔少，例如恰下低年級，踢走阿 婆準備執既汽水罐.....，比佢咁凌厲既眼神望多幾眼就有D驚。 「我唔係姓張，而我都唔係義莊既守門人。」佢一臉愧疚咁同我地講，我明既，修道既人唔同我地，唔似得我地講大話當 食生菜。 「我複姓宇文，我全名叫宇文將。張同將差唔多音，所以我一向同人講我姓張。而我其實真正身份就一個御鬼匠，我係奉 師祖祖訓黎追殺劉伯溫，親手將佢打返入冥界十殿，不過衰D講，我其實係一條神棍。哈哈...」 講開又講，我同黑仔其實都未正式自我介紹過，我急忙拱手說道:「丫，係，我叫上官一，個個都叫我阿一，而佢叫林銘, 但係個個都係叫黑仔。」 「嗯...上官一，筆劃十二，屬木，堅忍不拔，生存力強。睇黎我都無搵錯人。」 「下?」 「其實我一路想收徒。御鬼匠唔同趕屍匠，唔係話無資質都可以收。御鬼匠都唔同普通道士，普通道士係學唔到我地既秘 法，唔係因為無法可依，而係資質未到。我見你開天眼可以開得咁易，相信只要訓練一下，你一定前途無可限量，可以幫 世人斬妖除魔，另類D既保家衛國。不過就要睇你個人意願同你屋企人意願啦，因為做呢行始終有幾大既風險。」我見到 宇文將既臉色十分嚴肅，再加埋頭先墳場既經歷，我真係完全相信佢係御鬼匠，我想一口答應佢。但係我都未開口出聲， 佢就阻止左我。 「返去問下屋企人先啦，商量完再搵我都唔遲。我會留係呢個義莊多三日。」 無錯，雖然呢家野係好型，但係我都唔能夠話哂事..我應該問下我父母先既。 「嗯...咁我地走先啦，三日內我比個答覆你。」

我同黑仔轉頭就離開左義莊。 「你唔想真係想拜佢為師去斬妖除魔下話?」 「黑仔...嗯...我都唔知。」 我望著天朗氣清既天。依家終於感受到咩叫望天打卦了.....   ------------------------------------------------------------------第一部完------------------------------------------------------------