那些年，當香港仲係百鬼夜行既時代: 13.東華義莊VII – 詐屍?

個個天楚道航仙人走左之後，濃霧又隨著他的離去散去了。 濃霧甫散，我就聽到黑仔既叫喊聲 「阿一!!!你係邊呀!!!」 就係不遠處，我見到義莊張向住我衝黎，而黑仔就跟係佢後邊。 「我唔係叫你跟住架咩!?過黎!浪費我兩張追魂符!」義莊張一把拉左我過去佢身邊。 「跑返去啦!人搵到啦!」佢另轉頭又對黑仔大叫。 「 無上五行，三魂永久，天罡護身，出幽入冥，為吾開路!急召土地護我身!」 睇黎義莊張真係為左搵我已經浪費左唔少既時間，心力，佢竟然要再重新召喚土地上身。 可能因為心存愧疚，所以呢段路我都用盡全力跑，希望可以追返浪費左係搵我既時間， 到最後，我甚至比起大大隻隻，運動型既黑仔先到達王大牛個空墳到。 「條屍呢!?」正想將條屍入棺個時，義莊張先發覺屍體唔見左。「詐左屍!?」 「咩係詐屍?」我今日已經聽得太多呢D奇奇怪怪既名詞，我已經無咩興趣再問，但係黑仔仲興趣盎然咁問。 「姐係變左殭屍呀!」雖然義莊張講呢句野既聲音唔大，但係已經聽得佢如臨大敵咁款。 「搵緊條屍呀?屍呢我就可以比返你，但係入邊唔屬於佢既魂我就抵D諗，幫你食左佢啦~哈哈哈哈!唔使多謝我!」 啪一聲，條屍平空出現返，直飛到黑仔，直到撞跌左黑仔先停。 不過我無興趣去理黑仔住，因為把聲好熟。係邊個? 係我都未擰到個頭去搵聲音既來源時，義莊張已經大喝一句: 「天楚道航你係咪要同我老張過唔去!?」