那些年，當香港仲係百鬼夜行既時代: 12.東華義莊VI—天眼

我嘗試吹走個D向我漂緊埋黎又著哂火既溪錢，但係效困一啲都唔顯著，一張又一張既溪錢依然向我漂緊黎! 「無理由架!做咩呀!」我開始心急，始終我都係比較鐘意比女圍多過比溪錢圍。 最後，我打消要吹走D溪錢既念頭。我抱頭就地喊起上黎。 我有好多野未做...班入邊既女神我又未溝到...我仲未學識踩單車...我想坐一次飛機呀.... 係我胡思亂想既期間，一層又一層既霧慢慢包圍住我.... 「就到啦細路!撐埋佢!」義莊張艱難地扭頭同黑仔講。「你個朋友呢!?」 到左呢一刻，義莊張同黑仔先發覺跑跑下唔見左我。 「唔係叫佢跟住我架咩!?佢...唉!」

義莊張抱怨還抱怨，但係最終佢都係個身再抽出兩張符。 呢兩張符有D唔同，唔同就係唔同在於，符紙上既咒文並唔係一般既紅色，而係綠色。 「視之不見，聽之不聞 ，九妖讓路，唯指明燈!」 喊下喊下，我發覺附近好似好靜。
 靜到有D得人驚。我決張張開雙眼睇下發生咩事。 「嘩!做乜鬼咁多人架!?夜媽媽先黎拜山!?」 一開眼，我無見到漫天既溪錢，無見到一排排既墳，當然，都見唔到義莊張同黑仔。我見到一大堆人，起碼有幾百人。 周圍都係人。 我完全唔知發生緊咩事，我決定搵個人黎問下。丫，就呢個西裝友啦。 「先生，先生，我想問呢...喂!唔好走呀!喂!」丫，阿崩叫狗，愈叫愈走。個西裝友就咁走左去。 「小朋友，你見到我地?」 有一把聲係我背後響起。把聲好渾厚，比到我好有安全感。 「你係...?」 原來係一位伯伯黎。中氣仲幾足喎。 「呵呵，依家仲曉得開天眼既人已經好少啦喎。估唔到小朋友你都識。」 「咩天眼...?」我好訝異點解個阿伯會講D咁怪既野。一個咁怪既人係一個咁怪既墳場講一啲咁怪既野....嗯...好怪。 「原來係一個無道之人...夜叉王黎緊架啦...嗯...你我今日有緣，我就唔吸你既精氣，你開住天眼，應該就可以搵到老張架 啦!走啦!」 「下?下?姐係點呀伯伯!?」 「仲以為執到件奇貨..早知唔用咁多妖力去阻止夜叉王食左佢啦...好啦!大家走!」 個伯伯一叫走，即刻有一堆人跟住佢尾走。包括埋頭先唔答我既西裝友。 「伯伯!伯伯!你係邊個呀?」 「哈哈，同佢講天楚道航仙人出返黎啦!」