那些年，當香港仲係百鬼夜行既時代: 11.東華義莊V--夜叉

義莊張隨手就灑起一疊白色既溪錢，溪錢隨風而飄，縱橫交錯。 黑暗中，慘白色既溪錢就好似識發光咁，多邁出幾步，回頭一看，漫天白點，可惜呢D白點唔係雪，係溪錢。 「一陣你地見D溪錢係空中自燃的話，就跟住我跑。」義莊張壓低聲音同我地講 「空中自燃?有可...」

「燒著左一張啦!跑啦!」黑仔突然一把拉住我，向墳場下方跑去。原來就係我正背後真係有一張溪錢無端端自燃起黎! 「夜叉現真身。」義莊張個樣一下子變得好嚴肅，黑暗中，佢好似就有一道光保護住，空氣中既黑氣不停同金光角力， 呢刻既佢變得完全不可侵犯。 「 翊聖雷霆驅魔辟邪鎮宅賜福帝君出巡，大妖小鬼俱迴避，若有逆者，滅之!」佢再度大喝。 無反憑。 黑暗中既溪錢依然係一張一張咁燒起上黎。 義莊張從佢件衫又抽出一張符。 「 無上五行，三魂永久，天罡護身，出幽入冥 ，為吾開路!急召土地護我身!」 語畢，圍住義莊張附近既金光又更加強烈!空中自燃竟然好似怕左D光咁，竟然開始愈飄愈遠! 「 直衝槐樹下個墳!」義莊張大喝，我地又豈敢不從?雖然驚，但係我地都聽從佢既指令向前衝! 但係愈跑就愈覺得有D出事。 點解?點解D周圍會愈黎愈黑?義莊張D金光呢?無左D金光我仲點跟? 仲有點解D溪錢慢慢向我漂黎既!?