那些年，當香港仲係百鬼夜行既時代: 7.發狂

「吼!」此刻既王大牛已經變到唔係人咁品，雙眼反白，速度奇快，佢跑步速度同佢一個老人既外型完全唔符合!

我快一步向左邊撲去，避開王大牛既攻擊!

「張師父點搞呀!?佢做咩呀!?」我都未及爬返起身，已經即刻開口問。

「一仔!」黑仔語音未畢，背後突然陰風陣陣。

原來剛才攻擊我未成既王大牛捲土重來!





時間唔容許比我慢慢思考點對付呢隻半人半鬼先係最有效，我唯有以咁多年打爛仔交既方法還擊! 我馬上向前撲去，禁住旁邊既床板企返起身。
 始於礙於一個老人身體機能有限，王大牛即使想轉身再追殺我，都要一啲既時間。
 但係呢D時間已經足夠比我還拖! 我無諗咁多，一腳就踢埋去王大牛到! 下一秒，一個瘦弱既身影已經向後飛跌，撞到一條放係義莊入邊既死屍先停低。 「佢做咩黎!?」我一邊喘氣一邊望向義莊張。無回覆。
 咦，義莊張呢!?我抬頭四望，都只係見到驚到震哂既黑仔，同埋跌跌撞撞爬緊起身既王大牛。 「黑仔!!執條布黎扎住佢先啦!我招呼住佢先!」我向黑仔大吼，將黑仔吼回現實。

我再次急衝到王大牛跟前，左右拳不停轟出!而目標就只有一個，就係佢脆弱既頭部!

一拳一退卻，王大牛比我打到向後退左十幾步，砰一聲，又跌坐係地下上面。 正當我想再補多幾腳時，就忽然聽到頭先無左人影既義莊張大喊一聲停! 我第一腳已經踢出一半，唔踢埋就吊吊揈，但係佢又叫我停...唉，我唯有輕輕踏係王大牛肉體上，叫做完左呢次既反撲。 唉，霸氣盡失。好彩無女係隔離。 只見義莊張慢步到倒地不起既王大牛跟前，隨手從件衫中拈起一張黃色既紙，念念有詞，再貼係王大牛個頭上邊。 王大牛係過程中都有少少既爭扎，但係一比義莊張貼左張紙上頭就無哂聲氣。 「佢比食屍鬼上左身。」