那些年，當香港仲係百鬼夜行既時代: 8.東華義莊II—上路

「...咩黎?好似好厲害咁喎個名。」我不解地問道。 「一個人係死個時，會殘餘一魂兩魄係到，佢地分別係人魂，除穢 ，伏矢。 人魂係人死會留七七四十九日， 因為人魂係管一個人係人間既活，其餘兩魂就會比輪迴所收，係七七四十九 日完成哂成個輪迴，人魂先會同地魂，天魂合三為一，連同新七魄組成一個全新既人。 而個兩魄就掌管人既惡同怒，因為鬼得返呢兩魂，所以唔好去亂招惹鬼，萬一佢地嬲起上黎就好難先平息到。

而呢一魂兩鬼魄呢就係唔會重入輪迴既。死既人要完成成個輪迴，除左要地、天魂之外，留係人間既人魂都係好重要。 因為單靠地獄既判官係唔能準確由天地魂去評價一個人既功過，所以係人間既七爺八爺，姐係黑白無常呀，都會由人魂去 幫手評價一個人，再對返判官既判斷，無錯就送佢去輪迴，有錯，咪召返佢個人返黎囉。 咁食屍鬼呢，就係專食人既魂魄，不過只食死人。佢地靠食魂魄，就可以好似修練咁，成妖，成精，成神。

我覺得食屍鬼感覺到王大牛身上就死人既魂魄，所以咪上佢身囉。點知好死唔死，我就修道既，佢感受到我既氣息自然就 唔鐘意啦，咪諗住靠惡趕我走囉。」義莊張又唔知係邊變多左包紅卜卜既煙出黎，點著左其中一枝，開始慢慢食。 「不過唔怕，我封左王大牛既陽氣，食屍鬼應該已經比我呃走左。我地衣家就...」 「喂喂等陣!咁就呃到隻厲鬼?咁我地都封陽帶王大牛入去咪得囉!」我靈機一觸大聲叫左出黎。

義莊張大力扑左我個頭一下:「你傻架?七爺八爺咁易呃就做唔到神啦!同埋封陽的話，係代表完全無哂陽氣，你唔能夠隨意活動。到時你仲點帶人呀!?」 「姐係都係要設陣啦??」我無奈問道。 「仲要設大陣!」