那些年，當香港仲係百鬼夜行既時代: 6.法陣

「呃?鬼你都呃到?」鬼對於細個既我係十分之奇特，聽就聽過好多佢地既野，見就未見過。 一聽到義莊張話要呃黑白無常，我有咩理由唔驚訝? 「哼，細路，睇阿叔表現啦。」義莊張輕捏手指。「就今晚亥時啦。唔...姐係今晚9點至11點呀小朋友，明未。」 一聽到要今晚再黎，我同黑仔都有D縮。 「下，衣家搞得唔得呀??」黑仔嘟嚷道。
 「唔得，衣家搞王大牛個魂魄會被陽氣所傷，即使入棺都唔會再入返輪迴，因為佢已經無能力再重新踏上陰陽路!」 義莊張個樣好嚴肅咁同我地講，同頭先咬住口煙個樣直情係兩個人黎。

「咁不如你幫陳伯，我地走先啦...」黑仔仲縮得快過我。

「都唔得!因為我要兩個童子做我法陣既陣眼，好簡單架咋唔使郁，只係要企係義莊入邊!」義莊張意味深長咁望一望我地。 「你估呃鬼就咁咁易?講就易囉!要呃鬼，除左搵野引佢，就一定要擺陣!」 佢見我地對佢既方法好似有D質疑，立即補上一句。
 「張叔叔，咁你不如搵野引開佢，跟住等王大牛入去咪得囉。」 一聽到有第二個方法，我即刻好似如獲大郝，立即追問落去。 「好呀，用個生人既陽氣引住佢，等我送返王大牛入佢個墳到囉。你兩個一黑一白，岩岩好可以引住黑白無常兩個。 丫..不過引就可能會引埋D弧魂野鬼...鎮場既又唔單止只係黑白爺..仲有處刑鬼...好似仲羅剎...」 「得啦!我唔引啦!咁我做返陣眼啦都係...無危險架呵?」我諗企係到點都好過要夜媽媽通墳場跑既....仲要引一堆鬼... 「呵呵，無危險無危險。咁我去執齊D今晚要用既野，返黎就郁。」一聽到用返去陣既方法去解決件事。 義莊張即刻笑到見牙唔見眼。衣家我諗返，都唔知佢係咪昆我，話有乜有物，其實就佢自己怕麻煩，因為我後尾先知...原 來引鬼係好麻煩...如果設陣呃鬼係加減整數，引鬼就係Calculus ! 「咕...!!!」

「咩聲?」聽到咕一聲，我當下不其然就搵聲音既來頭。





「後..後...」未等黑仔講完成句後邊，我已經猛然另轉頭，乜都見唔到，只見到王大牛張開血盆大口，雙眼反白，身體直 挺，以一個奇怪姿勢用雙手向我咽喉插過黎!