那些年，當香港仲係百鬼夜行既時代: 4.因由II

「我岩岩做返人個時，我係好開心。因為我仲有好多野未做，我衣家又可以做返，但係每晚都有一把聲係我耳迴盪，我終於有啲發狂。 我晚晚不停咁叫，胡言亂語想趕走另一把聲，但係把聲點趕都唔走，我食飯又聽到，去廁所都聽到...其實本身隔離兩間房都有人住，但係佢地都頂唔住我晚晚咁搞法，調走左了。」
「咁把聲講咩丫??」講講下，我鐘意探險既心終於比陳伯..應該係王大牛挑起左。
「死...逃....走...亡...就係呢四個字，好輕聲，但係一個人好靜個時一定聽到。」
「我地點解聽唔到?」黑仔問我。
「喂呢樣我知點解喎，心魔黎架，我地又點會聽到呢....」我細個個陣都聽過隔離陳師奶話成日聽過有把聲，請左個風水佬黎，佢風水佬咁同佢講既。
「下，咁點幫佢丫?入佢個心呀?」黑仔其實份人幾好，忠忠直直咁，話幫就一定幫。就算王大牛已經化鬼上左陳伯身。 「你帶我返去墳場入邊就得架啦。」王大牛輕描淡寫咁講。
既然我答應左人，唔通反口咩，何況入一入墳場姐，又唔係未入過，屋企就住係附近，點都會經過下架啦，嗯，無事既。我望一望牆上邊個鐘，晏就一點半。
「得!而家就行!」我見時間充裕，當然快手搞掂佢啦。 我都唔等王大牛答我，我就拉住佢同黑仔沖左出老人院，向墳場側門行過去。
推開無鎖既側門，一座陰森既淺黃色建築就逞現係我眼前。
「東華義莊。」