【海嘯警告，現正生效】: Ep.24

「上午九點 依家由黃維為你報道一節新聞 三號強風信號現正生效 超強颱風尼伯特目前集結係香港之東南約380公里 目前向西北方向移動 時速25公里 大致移向華南沿岸
天文台表示 尼伯特將會喺凌晨最接近本港 屆時香港將會有狂風大驟雨⋯⋯」

「喂？要做大單野啊！」
我打電話俾承哥 問佢一啲問題
「咩事先 」
「我要向你攞啲資料」
「咩資料啊？」
「第一 你知唔知佢哋喺邊度放炸彈？」
「拿我唔肯定 但係我聽到好似話係山頂」




「凌霄閣嗰度？」
「應該係附近掛⋯⋯」
「OK咁第二 你知唔知邊度有果條秘密過海隧道？」
「秘密過海隧道？」
「係呀有冇聽過？」
「有就有 但係我唔肯定喺邊度⋯⋯」
「咁你講咗出嚟先啦」
「聽講全部過海隧道都有條後備 但係我唔知邊度有破壞度⋯⋯」
「照咁睇⋯ 行車嘅過海隧道都破壞晒 而且荃灣線果條都比海嘯沖爛埋⋯⋯」
「咁剩低嘅就剩係得東涌線同埋機場快線⋯⋯」




「全部都喺香港站⋯」
「OK⋯ 咁我哋試吓去香港站搵吓⋯⋯」
「喂等陣 你唔驚佢哋搵到你咩？」
「既然你話佢哋去晒山頂搞炸彈 咁應該唔會搵我地⋯⋯」
「咁呀⋯ 你地小心喎⋯」
「你嚟唔嚟接我地？」
「我都唔知係邊⋯ 而且我都去唔到⋯」
「⋯咁好啦 你係講面繼續收風 有啲咩事打俾我哋」
「好」*收缐＊





「好啦 咁我地唯有出發 再留喺度都無意思」
我哋離開我逗留左四日嘅辦公室
帶走所有有用嘅嘢 離開

「做乜個天咁黑嘅 明明都就快十點啦⋯」
我望住個天 完全冇太陽出現
「喂你有冇帶雨衣啊？」阿Sam問我
「仆街啦冇呀！」
「咁去七仔攞啦」
「七仔仲有咩？」
「我知道有一間仲有⋯」

我哋又行過去嗰間七仔
「喂仲有冇雨衣買？」
「有 25蚊件」




「呢個時候仲25蚊？」阿Sam問
「算啦咪俾佢囉」
「OK兩件⋯」
「話說你真係唔走啊？」
「走黎都冇用 都係走唔甩」
「未試過又點知呢？」
「試唔試個結果都係一樣 咪做到死為止」
「呢個人真係 奴性勁到呢⋯」
「反正遲早都係死」
「唔同你講咁多啦 走先」
講完之後我哋急急腳走人⋯
「多謝光臨 下次⋯」
「總之冇下次架啦！！」

「你實你有冇方法可以令到個炸彈唔爆？」




「睇吓佢用咩方法引爆囉⋯」
「咁你知唔知呀？」
「頭先逃走嗰陣時好似見到佢係用無線型」
「即係點⋯ 呢度就淨係得你識得呢啲嘢」
「即係用無線電來引爆⋯ 但係唔知佢用乜嘢頻率 唔同牌子有唔同頻率」
「咁你又睇唔睇到呀？」
「邊可能睇到咁多野啊大佬⋯」
「咁點啊⋯ 係咪冇方法架⋯」

「⋯咁又唔係嘅 好彩我有帶家產來啫⋯⋯」
「做乜攞個鑊出嚟啊？」
「呢個唔係鑊囉好無⋯ 呢個係發射器」
「你喺邊撚到買啲咁嘅嘢架！」
「地下交易囉⋯ 市面上邊有啲咁嘅嘢買架⋯⋯」
「咁有乜嘢用啫 叫佢唔好引爆呀？」




「緊係唔係喇 呢個強力發射器來嘅 我哋可以用呢樣野來干擾訊號」
「點樣干擾呀⋯⋯ 你又唔知個頻率」
「其實都唔算係干擾 我問你 你有冇詩歌聽電台無啦啦聽到大陸台？」
「有啊 咁又點呀？」
「我哋就係用呢個原理 黎overwrite個引爆Signal」
「咁你點知佢咩頻率？」
「我見過類似嘅牌子 我哋只要係佢個頻率範圍度干擾佢就得」
「咩你個發射器有咁勁咩？」
「算勁嘅 但係一定唔夠解放軍嗰邊咁勁」
「咁點干擾呀⋯ 人哋咁勁」
「唔係 你諗下佢哋要引爆個炸彈又點會咁近個炸彈啊 一定係遠距離度引爆」
「咁又點⋯⋯？」
「我哋就一定比佢哋近 可以覆蓋到佢嘅信號」
「咁複雜嘅⋯⋯」
「總之 按道理上就得嘅 但係實際就唔知」





「仆街真係落雨⋯⋯ 好彩有買雨衣⋯」
「而且都好大風⋯ 好似打風咁⋯⋯」
「喂仆街水浸既！」
「唔係啩 咁快又水浸」
沿途上好多野都刪落滿地
好多垃圾滿天飛⋯⋯
「嘩屌個招牌爭啲林落我嗰度！」
「好彩行得快啫⋯⋯」
原來而家香港島已經變成咁 直頭無人管理⋯⋯

「氣候　變壞　雨大浪大
浸過了購物大道　尚愈鬧愈大
而何時救援還未到
正派往遠方打仗　不可上街
管理層滿是實戰派
誰和誰慘被沒埋　不可多咀表態
繁榮和安定正在瓦解」