【海嘯警告，現正生效】: Ep.23

「下午三點 依家由張浩軒為你報道一節新聞 一號戒備信號現正生效 目前位於南海北部既強颱風尼伯特已經增強為超強颱風 天文台表示 尼伯特正在移向華南沿岸 並將會係星期六至星期日最接近本港 有啲路徑較為難預測 目前未能準確預計喺邊度登陸⋯」

「我叫你放低部手機啊！」
我見到我後面有一大班着住好厚嘅保護衣
仲要攞住好幾枝機關槍⋯⋯
「使唔使呀⋯⋯」
「唔好問 總之立即放低你地部手機！」
「點解你一定要我哋放低部手機？」
「唔好問咁多 再問我就開槍！」佢攞住支瞄住我





「喂咁點算好啊⋯」我細細聲問啊Sam
「咁冇可能就咁就投降架⋯」
「咁可以就去邊⋯⋯」
我哋依家企係十字路口 我望一望我附近嘅建築物
望到附近有個雞乸咁大嘅Apple logo⋯
Apple Store？我哋幾時行到咁遠架⋯⋯
「咁不如行入去香港站避下先？」
「香港站？我哋有行到咁遠咩？」
「你哋喺度講乜春啊 快啲放低部手機！」
「唔撚理啦！ 總之走！」




「仆你個街 追！」

「跑去邊啊！」
「咪香港站囉！」
「香港站邊度先得架！」
「入到去先講啦！」
「開槍啊！」
我哋入到去之後 沖閘入咗去
佢哋都跟隨在後





「跟住點啊 落去定係入國金？」
「兩條路都唔好行 過隧道去中環！」
「咁又做乜入閘？」
「擺脫你後邊班人！」
「但係佢哋都住緊上來喎！」
「總之跑呀！」

我哋轉入去隧道之後 一直係行人電梯度狂奔
沿途仲聽到一啲槍聲⋯⋯
「仆你個街！你而家先打電話來！」我又收到承哥電話
「喂我依家逃走緊呀！做乜又打電話來啊！」
「我又收到風 話後日會炸島呀啊！」
「屌我一早知啦！」
「唔係呀話你點知架？」
「唔好問住先啦 你仲有冇野講！」




「有啊！原來佢地炸唔係為咗殺死你地⋯」
「咁又係為左啲乜撚野呀！」
「佢哋係為咗防止個風暴帶晒啲輻射塵上內陸呀！」
「唔撚係呀！」
「咁咪要好勁嘅爆炸先做到！？」啊Sam突然間插嘴
「呢層我就唔知道 因為我冇見過個炸彈」
「喂冇嘢講我收線啦！我要偷走架！」
「OK 有嘢再打俾你」

「仆你個街終於跑到去中環！」
「但係佢哋仲追緊上嚟喎！」
「快啲跑返去棟大廈度先啦！」
我哋越跑越遠 佢哋開始追唔到上來
「屌⋯ 應該擺脫左佢哋啦喎⋯⋯」我係咁喘氣
「睇來⋯就係啦⋯⋯」




「算啦有乜嘢上左去先講⋯⋯」
我哋入電梯 上返去56樓

「仆街⋯ 好彩走得甩姐⋯⋯」
「痴撚線⋯ 搵手機就撞正佢哋⋯ 有無咁黑仔啊⋯⋯」
「話說佢哋過嚟做乜架⋯ 又唔係殺人⋯⋯」
「放炸彈啊麻⋯ 你咁快唔記得左啦？」
「唔係⋯ 我諗唔起啫⋯」
「呀頂！ 唔記得問佢佢哋喺邊度放！」
「細聲啲啦⋯ 你唔驚佢哋會聽到啊⋯⋯」
「得⋯ 但係你知唔知佢係邊度放啊？」
「唔知啊⋯ 但係如果承哥知道嘅話一早講咗比我哋知啦⋯⋯」
「咁又係嘅⋯ 但係唔知佢係邊度放 我哋要走去邊？」
「你想跟住解放軍行 跟住搵個炸彈？」
「做唔做得到啊？」




「邊有可能做到⋯⋯ 你又唔識拆彈」
「咁我真係唔識嘅 但係你搵到用方法離開？」
「我就係打算一陣打電話去問⋯⋯」
「你依家唔打俾佢？」
「我驚啲解放軍知道我地呀⋯⋯」
「咁又係⋯⋯」

我哋係56樓望住個夕陽 係咁飲水⋯⋯
「話說⋯ 你講唔覺今日個天特別紅啊？」