【海嘯警告，現正生效】: Ep.25

「下午三點 依家由黃維為你報道一節新聞 三號強風信號現正生效 天文台宣佈 將會係三點至五點發出8號信號 超強颱風尼伯特目前集結係香港之東南約230公里 目前向西北方向移動 時速25公里 大致移向華南沿岸一帶 尼伯特將會喺凌晨最接近本港 並將會有狂風大驟雨⋯⋯」

「終於嚟到香港站⋯⋯」
我一入到門口 我仲以為去錯左站
全部都無人 仲要得返幾盞燈着住⋯
「⋯係咪香港站黎架？」
「梗係啦 只不過唔係我見慣嗰個啫」
「平時呢度都好多人啊 而家變到好似鬼屋咁嘅⋯⋯」

我哋行咗一陣 全部商店唔係閂晒門就係俾人偷嗮啲嘢




地下周圍都係一啲包裝紙 雜物
有少少好奇究竟係點嚟嘅⋯
當然 全程就剩係得我哋兩個喺呢度
完全發現唔到有人

「行咗咁耐 不如落去月台去睇下啦」
「咁咪去囉」
閘門早已經壞咗 直頭可以衝入去
電梯已經全部變曬樓梯 全部固定晒
樓梯嘅燈光亦都好弱 每落一級 就越來越暗




「嘩屌依啲乜嘢嚟！」我隻腳踩到啲嘢
「水來架大驚小怪」
「屌⋯ 即係而家成個月台都比水淹沒晒？」
「睇嚟就係啦⋯⋯」
「咁樣點樣搵個條隧道啊⋯」
「會唔會已經浸埋⋯」
「唔撚係呀⋯ 會唔會有其他路可以入到去？」
「我都冇做過港鐵 我點知嗰啲結構姐」
「⋯唔搵嘅話我驚我地真係會死係呢度」
「咁唯有周圍再搵吓啦⋯⋯」





我哋行咗好耐 周圍都搵過
客務中心 管理處 詢問處 就連廁所我哋都去過
最後都係 搵唔到⋯⋯
「喂大佬⋯ 已經搵左成粒鐘喎 都仲未有任何發現⋯⋯」阿Sam同我講
「繼續搵啦⋯ 一定會搵到嘅⋯⋯」
「喂再咁揾落去唔係辦法架喎⋯」
「咁都冇辦法架 唔通好似嗰個七仔服務員咁企喺度等死啊？」
「我唔係咁嘅意思 即係但係你都搵過晒囉 再搵來都冇意思啦」
「咁你有可能Miss左架嘛⋯⋯」
「你都搵左兩次啦 再搵落去真係嘥時間架喎⋯」
「⋯⋯咁你想點先？」
「我想暫時停低諗一諗究竟仲有啲乜嘢方法 明明知道冇嘢喺度你都要繼續搵既話都係冇用架」
「OKok 咪停一停諗一諗囉」
之後我哋沉默左十分鐘⋯⋯





「⋯咁究竟點姐 我又諗唔到方法」
「既然依一條浸咗 仲有冇其他？」
「我唔知道啊 我又唔係成日搭港鐵」
「冇理由得三條過到對面咋喎⋯」
「屌睇後面嗰個路線圖啦 雖然我都係啱啱先發現」
「係喎頂 我一直都睇唔到」
我哋喺度瘋狂咁樣望住幅路線圖
「搵手機影低佢先⋯」
「港島線⋯⋯北角⋯將軍澳線！」佢突然間大叫
「咩事？」
「原來我地一直漏左將軍澳線 原來佢可以過海！」
「我根本都好少搭呢條線 基本上可以話無⋯ 話說個站點樣去嫁？」
「北角⋯ 距離呢度好遠喎 嗰度係港島東來喎⋯⋯」
「咁點去先⋯⋯」




「一係由港島線行過去囉⋯⋯」
「嘩你都痴撚線咁遠⋯⋯」
「唔通揸車去咩⋯⋯」
「揸車⋯？點樣揸過去？」
「係干諾道直踩去東區走廊 再轉入去英皇道囉⋯」
「你又咁熟嘅⋯」
「之前揸車去過 但係架車已經賣咗啦⋯⋯」
「原來係咁⋯」
「咁而家唯有行過去喎 又冇車⋯」
「我有車嘅 雖然我都唔想楂⋯ 但係條命仔重要啲⋯」

如是者 我哋就要飛去北角站