【海嘯警告，現正生效】: Ep.13

「下午兩點 依家由黃維為你報道一節新聞 早前發生事故嘅嶺澳核電廠中午時份再次發生爆炸 1號機組完全炸毁 完全暴露核反應堆 2號機組亦受到波及 中國啟動危機應變小組 全力應付今次事件 中國解放軍宣布加入香港救援 並將會調派大量人手及儀器 全力協助香港渡過難關⋯」

「乜嘢話 隔離香港島？」
「係呀！ 我翻譯嚟得出的結果真係咁」
「我Hi 你 你唔好9up當秘笈喎！」
「認真 我呃你做乜姐」
「OKOK 咁而家點算啊 佢地話隔離我哋喎？」
「唯有離開香港島⋯ 因為呢度都已經好唔安全」
「有幾啊 我都唔覺」
「喂大佬 依家出面又有輻射 又有逃犯 又有病毒 點會安全呀」




「乜真係有咁唔安全咩⋯」
「正係因為唔安全先至隔離我哋咋嘛！」
「係嘅係嘅⋯ 咁你而家使唔使公諸於世呀？」

「梗係要啦 全部人都有知情權 講比佢聽等於間接殺死左佢哋」
「唔係呀 講左比佢哋聽我哋好大穫架喎！」
「有幾嚴重啊⋯」
「你講左比佢哋聽咁咪會造成恐慌囉 而且萬一比外邊啲人知道嘅話 我哋有機會俾人追殺」
「咁點都比唔上一啲無辜嘅人冇啦啦俾人隔離 仲要有機會俾人殺死呀」
「你唔驚俾人殺死嘅話 你咪行出去同佢哋講囉！」




「呢個世界冇話夠唔夠膽 係你敢唔敢做姐 總之我一定要同人講架啦！」
「OK你夠膽咪⋯」
＊收線＊
「呀Hi 你cut我線？」
「…唉 佢死佢事⋯⋯」
我嘗試冷靜咁行出依個街口
「無事嘅無事嘅⋯⋯」我又係度自言自語
當我想行返我棟大廈果時
見到街道有個細路企喺度 好似喺度發呆
我見我上到去都係冇野做 就行過去問佢




「細路仔 你企係度做乜啊？ 係咪唔見咗媽咪呢？」
佢呆左一陣 好似喺度Progressing緊我講乜
「哥哥 我不懂说广东话的⋯」佢用普通話講

今次Hi Hi啦 我聽唔明普通話⋯
不過好彩 齋靠譯音我都大概知佢講乜⋯
但係我用唔識講普通話喎⋯
「是咁的 我說你媽媽是唔是不見了？」我嘗試用書面語同佢溝通
「是呀 但是妈妈说我不可以跟陌生人搭话⋯」
我又Progressing咗一陣⋯ 之後答佢
「咁樣 不如哥哥帶你去警局先啦」我用唔鹹唔淡嘅普通話來同佢溝通
今次佢冇認到我 佢就淨係點頭

如是者 我哋就去到灣仔警署
「喂有冇人呀？」我入到門口問




⋯冇人應我 好似個差館冇人…
「我係來報案架！」
依然都係冇人應我⋯
「小朋友 你等我一陣先」我暫時放低左個細路

我係個警署兜左幾個圈 鬼影都見唔到一隻⋯
「冇理由個喎 真係全部都冇人 仲熄晒燈添⋯」
「哥哥 我要走了 我要逃离这个鬼地方！」個細佬突然間講
「喂 咪走啊 出面好危險架！」我大叫
我係咁叫佢返嚟；
但係佢依然好似聽唔明我講乜咁 狗沖咗出去

「Hi Hi呀 究竟發生咩事呀⋯」