【海嘯警告，現正生效】: Ep.12

海嘯警告，現正生效。 vol.12

「中午十二點 依家由黃維為你報道一節新聞 赤柱監獄逃獄事件尚未平息 事件至今造成28個警員受傷 其中三個傷勢危殆 另外 香港出現移民潮 係過去呢兩日共有13,000人申請移民 入境處表示 唔排除會有更多人申請移民⋯ 」

「咁佢發出左幾多次訊息呀？」
「暫時得三個 我部電腦我可以錄低唔正常嘅音頻」
「話時話 點解你屋企有電嘅？」
「我不嬲有買大型儲電箱 為咗興趣 點知依家大派用場」
「你收藏啲咁嘅嘢咁變態嘅⋯」
「咁我係鍾意電子野架嘛」




「咁又係嘅 好過而家無電用」

『你肚唔肚餓啊 使唔使我煮碗麵俾你食啊？』
「唔使啦多謝」
「其實話說你呢度除咗電子野之外 係咪無其他嘢架？」
「係呀 差唔多當電子係我女朋友架啦」
「而且有女朋友嘅話 佢哋一定又話『唔好擺晒啲冇用嘅野屋企啦』」
「咁唔怪之得你冇女朋友啦⋯」
「喂咁係呀嘛 結咗婚之後我就覺得無晒自由架啦」
「你問題姐 我嗰個不知對我幾好」




「你真係一個好容易滿足嘅人⋯」

突然間 佢屋企嗰個特別收音機響起左
「嘩Hi Hi嚇向左走向右走死我」我直頭驚到彈起身
「2734又響啦⋯」
「你個『又』係咩意思⋯ 你唔係話佢淨係發生左三次咋咩？」
「咁我成日聽數字電台架嘛 你成日喺度捉我字虱嘅」
「sorry慣咗⋯ 其實佢咁樣嘟嘟嘟究竟係度講乜⋯」
「暫時未知⋯ 等佢嘟完再解碼先知…」
「喂 咁我出去行街先啦 留個電話俾我方便聯絡」




「ok 咁你記低佢囉」
「冇見佢咁多年 都係咁長氣⋯」我一路落樓梯一路講
落到樓梯 我見到有堆人圍住喺度傾緊一啲嘢
我仔細一睇 原來又係上次果班人
「喂聽講有移民潮喎」
「有都唔關我哋事啦 我哋都走唔到」
「你游水過對面咪走到囉」
「唔係喎 我聽講有人游水過去對面 之後俾人殺死左喎」
「唔向左走向右走係啊 無啦啦做乜殺我哋呀⋯」
「可能驚我哋有輻射掛」
「驚乜鬼啫 佢哋都有架喎」
「我真係唔知道 政府又冇派人就我地 都唔知點算好」
「乜香港到依家真係有咁差咩⋯」
「我知道點解 赤柱監獄又爆 又好似有霍亂 搞到有啲人話到我哋好危險」
「咁又點啫 我都冇做過果啲野」




「問題係出面啲人唔會知道架嘛」
「咁我哋咪永世唔使旨意離開香港島？」
「正確來講 係」
「Hi咪向左走向右走喺度說三道四啦 中國又點放棄我哋呢！」突然間有啲阿伯亂入
「係你地唔接受現實啫 唔係我地問題」
「你啲後生仔 知唔知中央政府為我哋仲有幾多野啊 我食鹽多過你食米啊」
「中央政府就係做咗好多避開我哋嘅野囉 然之後仲有啲人喺度信拜佢添」
「你哋比外國洗咗腦啦 都唔知你後生仔點諗野 你個腦裝屎架！」
「你哋哩啲已經冇得救啦 仲要講埋啲冇病嘅拉落水 調返轉頭話我地有病⋯」

突然 我部電話響起左
「喂 做乜打來啊？」我行埋一邊講
「Hi Hi啦 有大獲野！」
「入正題啦Hi 你！」
「好好好 我啱啱decrypt咗頭先嗰段火星文 你知唔知我發現左啲乜」




「我點捻知啫！快啲講啦！」
「okok 我翻譯咗出嚟係咁：」
「ISOLATE HONG KONG ISLAND」

「即係點呀 講中文啦！」

「隔離香港島」