再一次愛上沒有放下的舊情人: 五十八

「我變？咁我變左啲咩？」我問

「我唔話你知啦，但你終有一日會發現架」

我無理佢，淨係笑一笑，就將話題帶過

番到去，我開左個熱水爐，準備沖涼

「你當依到自己屋企得架啦，我一陣拎啲衫比你換啦，我訓廳得架啦」我說





「車，我地一齊訓咪得，一陣你病左又懶我」

「唔係咁好既，我始終都有個女朋友，

「我講下笑，你訓廳啦都係」呀Wing笑笑口咁講

佢講完就去左沖涼，我就自己一個訓左係梳化，慢慢地睡著了

「呀成，呀成」一把女聲叫著我





「你...」

「死人頭，你咁快就唔記得我啦？」

「點會唔記得，我只係以為以後都唔會再見到你姐」我笑住說

「口花花啦你，你最近點呀」

「我企左係兩個人中間啦囉」我一面愁容地說





「我知呀，一個鐘意你既，一個你鐘意既，但你有女朋友，唔想呀Wing唔開心嘛」

「我更加唔想唔想比希望佢，我先對佢無咁好，我已經傷害過佢，我唔想再係咁」我接著說

「咁你決定左就信自己啦，我都會支持你」

「多謝你呀」我笑著說

「余志成，你唔好唔記得我呀」佢攬住我說

「知道啦，我會一世記住你」

「我係時候走啦，你保重啦」嘉琪流淚說

「嗯，你都係...我愛你」





「呀成，你發惡夢呀」呀Wing沖完涼出黎問

「我...有啲野想同你講，你聽完唔好嬲我得唔得？」