再一次愛上沒有放下的舊情人: 五十七

Karen攬住我，攬得好實，攬到我透唔到氣，卻又覺得幸福

「我透唔到氣啦」我勉強說

「嘻嘻，對唔住」

「做咩攬得我咁實呀，我明明又唔係肥仔，邊到好攬」

「唔係呀，我覺得好攬咪得，同埋我唔攬實你，你走左去點算」





「你唔想我走既就唔好再亂黎」我暗示佢唔好再同呀邦亂黎

「知道啦知道啦，我以後無你係身邊我唔飲酒啦最多」佢嘟起佢個嘴說

「好啦，快啲入去啦，你屋企人擔心你架會」

「知道啦，你都快啲番去訓啦知嘛」佢講完就錫左落我個嘴到，然後入去

我落到去，見到得番呀Wing一個人





「個司機呢？」我問

「我比左錢佢，佢走左啦」

我完全唔理解呀Wing既目的係咩，只係覺得佢係有企圖先至咁樣做

「你...陪我行一陣得唔得？」呀Wing問

「好啦，唔好太耐喎，我應承左Karen要早啲番去架」我笑著說





「咁...都咁夜，我係你到過夜得唔得？」佢突然問

「好似...唔係咁好喎」我慌張地說

「車，又係你岩岩話比我上你到訓既」呀Wing失容地說

佢如此一說，我又醒起剛才答應過佢既事，我亦都只好信守承諾，比佢係我屋企借宿

「係呢，你同佢好番啦？」佢問

「其實都可以算係既，但信任唔係一下子就可以番番黎，要累積架嘛」

「你...好似變左咁」

「有咩變，我依然都係我呀」我開玩笑地說





「係咩，或者你變左唔覺姐」